ბრიტანეთის საელჩოს საქართველოში აქვეყნებს ელჩის, გარეტ უორდის ვიდეო მიმართვას. ორდი ქართულად საუბრობს საქართველოში მიმდინარე პროცესებზე და ამბობს, რომ საჭიროა ჩატარდეს გამოძიება პოლიცისს მხრიდან ძალის გადამეტების შესახებ.
“ბოლო ორი კვირის განმავლობაში ვხედავთ თუ როგორ გამოხატავს ქართველი ხალხი წინააღმდეგობას მთელი ქვეყნის მასშტაბით, ქართული ოცნების მიერ მიღებული გადაწყვეტილებების, მათ შორის ევროატლანტიკური გზიდან გადახვევის შესახებ.
უნდა ჩატარდეს სწრაფი და დამოუკიდებელი გამოძიება პოლიციის მხრიდან გადამეტებული ძალის გამოყენების შესახებ.მოვუწოდებთ "ქართული ოცნების" ხელმძღვანელობას, მოუსმინოს იმ დასავლელ პარტნიორებს, რომლებიც 20 წელზე მეტია მხარს უჭერენ საქართველოს სუვერენიტეტის დაცვას რუსული ზეწოლის წინააღმდეგ.
"400-ზე მეტი ადამიანია დაკავებული და სახალხო დამცველის მიხედვით, უმეტესობას აღენიშნება ცემის ნიშნები", - აცხადებს ელჩი.