“ჩვენც აგვკრძალავენ? აკრძალავენ დავით აღმაშენებელს, ერეკლე მეორეს, ილია ჭავჭავაძეს?“ - აქციაზე ქართველი მეფეების ნიღბებით შემოსილი მომიტინგეები გამოჩნდნენ

ამ წუთებში პარლამენტთან აქცია გრძელდება - რუსთაველის გამზირი გადაკეტილია.

• ცოტა ხნის წინ, აქციაზე ქართველი მეფეების ნიღბებით შემოსილი მომიტინგეები გამოჩნდნენ.

მათი თქმით, შთამბეჭდავი აქცია-პერფორმანსი ახალ აკრძალვას ეხმაურება, რომელიც შესაძლოა აირწინაღებს შეეხოს.

“ერეკლე მეფე, რომელიც გვერდით მიდგას, იმის ნათელი მაგალითია რომ ბოლომდე უნდა იბრძოლო სამშობლოს ინტერესებისთვის, მაგრამ რუსეთს არ ენდო.

დავით მეფე იმის მაგალითია, რომ როდესაც ქართველი ერი ერთიანდება და ლიდერი ლიდერს ჰგავს, საქართველო ხდება დიდი, დიდებული, მდიდარი და ძლიერი.

სამოსზეც გაამახვილეთ ყურადღება, ტყუილად არ მაქვს შერჩეული და შექმნილი ასეთი ვიზუალები. ამით იმის თქმა მინდოდა, რომ ქართველი ქალები ყოველთვის იბრძოდნენ ქართველი კაცების გვერდიგვერდ.

მე სახეზე თემატურად ილიას ნიღაბი მიკეთია. იცით ხომ ალბათ, ილიას რამდენი რამ ამოაკლო განათლების სამინისტრომ. მაინტერესებს - ჩვენც აგვკრძალავენ? ჩვენც ხომ ნიღბები გვაქვს, ჩვენც ხომ აქციაზე, საზოგადოებრივი თავშეყრის ადგილზე ვართ. აკრძალავენ დავით აღმაშენებელს, ერეკლე მეორეს, ილია ჭავჭავაძეს?

ისეთი მოწოდებების გაკეთებას დიდი დაკვირვება სჭირდება,“ - განაცხადა ერთ-ერთმა აქციის მონაწილემ.

ფოტო: ტვ პირველი

იხილეთ ასევე:

• ვის ექნება უფლება, რომ აქციებზე ნიღბები ატაროს და რა აიკრძალება - რა წერია პარლამენტში ინიცირებულ კანონპროექტში