მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაავადება X"- მისტიური ავადმყოფობა, რომელმაც კონგოში ათეულობით ადამიანის სიცოცხლე იმსხვერპლა: რა ხდება ცნობილი
18:06 / 12-12-2024
დაუდგენელმა დაავადებამ, რომელსაც აფრიკის დაავადებათა კონტროლისა და პრევენციის ცენტრები "დაავადება X-ს" უწოდებენ, კონგოს დემოკრატიული რესპუბლიკის პანზის რეგიონში, მინიმუმ 31 ადამიანი იმსხვერპლა. ჯანდაცვის მსოფლიო ორგანიზაციის (WHO) ცნობით, მათ შორის უმეტესობა ბავშვია.
WHO-ს ინფორმაციით, დაავადების 406 შემთხვევა კვანგოს პროვინციაში დაფიქსირდა, რომელიც დედაქალაქ კინშასადან დაახლოებით 435 მილის დაშორებით მდებარეობს. გარდაცვლილთა ნახევარზე მეტი 5 წლამდე ასაკის ბავშვები იყვნენ, მათ სერიოზულად გართულებული კვებითი მდგომარეობა აღენიშნებოდათ.
დაღუპულთა რეალური რაოდენობის დადგენა რთულია. ზოგიერთი მონაცემებით, შესაძლოა, დაავადების შედეგად 143 ადამიანიც იყოს დაღუპული. ჯანდაცვის მსოფლიო ორგანიზაციის ჯგუფი ადგილზე იმყოფება და იკვლევს დაავადებას, რომელიც, მკვლევართა აზრით, ოქტომბერში გავრცელდა.
კონგოს დემოკრატიული რესპუბლიკის ჯანდაცვის სამინისტრომ 29 ოქტომბერს WHO-ს აცნობა, რომ პანზის რეგიონში უცნობმა დაავადებამ სიკვდილიანობის დიდი მაჩვენებელი გამოიწვია. 5 დეკემბერს გამართულ პრესკონფერენციაზე, ჯანდაცვის სამინისტროს წარმომადგენელმა განაცხადა, რომ სიკვდილიანობის მაჩვენებელი დაახლოებით 8%-ს შეადგენდა. რამდენიმე ფატალური შემთხვევა ჯანდაცვის დაწესებულებების გარეთ დაფიქსირდა.
ადგილობრივი ჯანდაცვის წარმომადგენლები CBS News- თან საუბარში აღნიშნავენ, რომ აღნიშნული მონაცემები სერიოზული შეშფოთების საგანია, WHO კი აცხადებს, რომ დამატებითი გამოკვლევებია საჭირო.
რა სიმპტომები ახასიათებს ახალ დაავადებას?
ექიმების თქმით, დაავადება რესპირატორული ინფექციის მსგავსად ვლინდება. სიმპტომები მოიცავს: სიცხეს, თავის ტკივილს, ხველას, სურდოსა და სხეულის ტკივილებს.
WHO-ს ცნობით, ადგილზე გაგზავნილია სწრაფი რეაგირების გუნდები, რომლებიც დაავადების გამომწვევი მიზეზის დადგენას და შესაბამისი რეაგირების კოორდინაციას შეეცდებიან.
"გუნდები აგროვებენ ლაბორატორიული ტესტირებისათვის საჭირო ნიმუშებს, დეტალურად აღწერენ გამოვლენილი შემთხვევების კლინიკურ სურათს, იკვლევენ გადაცემის დინამიკას და აქტიურად ეძებენ დამატებით შემთხვევებს, როგორც ჯანდაცვის დაწესებულებებში, ასევე საზოგადოებრივ დონეზე. ვითარების შესაძლო გამომწვევ მიზეზებად პნევმონია, გრიპი, COVID-19-ი, წითელა და მალარია განიხილება. დაავადების ხელშემწყობი ფაქტორი შესაძლოა კვების დეფიციტი იყოს.
როგორც ცნობილია, მალარია ამ რეგიონში გავრცელებული დაავადებაა და შესაძლოა, ვირუსის გავრცელებას ხელს უწყობდეს," - ნათქვამია WHO-ს განცხადებაში.
რეგიონში არ არის ფუნქციური ლაბორატორია, ხოლო კომუნიკაციის ინფრასტრუქტურა შეზღუდულია. WHO-ს ცნობით, რეგიონი შეიარაღებული ჯგუფების თავდასხმების საფრთხეს ექვემდებარება. მათივე თქმით, გლობალურ დონეზე გავრცელების რისკი დაბალია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
