მნიშვნელოვანი ინფორმაცია
14
მარტიდღის ზოგადი ასტროლოგიური პროგნოზი
პარასკევი, მთვარის მეთექვსმეტე დღე დაიწყება 19:51-ზე, მთვარე სასწორს ესტუმრება 22:58-ზე
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ. კარგი დღეა იურიდიული საკითხების მოსაგვარებლად, სასამართლო პროცესების დასაწყებად; შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მე ვარ აქტიური ადამიანი, რომელსაც საკუთარი ქვეყნის ბედი აღელვებს. თუ მე არ ვიტყვი, ვინ იტყვის?.. ყველაზე სახიფათო მოღალატეების გვერდით ყოფნაა" - რას ამბობს ნინო ქათამაძე უკრაინულ მედიასთან?
12:34 / 10-12-2024
უკრაინული მედია ქართველ მომღერალ ნინო ქათამაძესთან ინტერვიუს აქვეყნებს, რომელშიც ის საქართველოში მიმდინარე პროცესებს ეხმაურება და ასევე საუბრობს მეუღლეზე და მის სავარაუდო გადასვლაზე უკრაინაში.
ინტერვიუში ამბობს, რომ ამჟამად უკრაინაში საცხოვრებლად გადასვლას არ გეგმავს, რადგან მისი აზრით, მის სამშობლოს თანადგომა სჭირდება.
ნინო აქტიურად მონაწილეობს თბილისში მიმდინარე საპროტესტო აქციებში, რომლებიც არჩევნების გაყალბებისა და ევროინტეგრაციის პროცესის შეჩერების წინააღმდეგ ტარდება, - წერს უკრაინული მედია. მომღერალს მიაჩნია, რომ საკუთარი აზრის გამოხატვა ახლა ძალზე მნიშვნელოვანია.
ქათამაძე უკრაინას მხარს უჭერს რუსეთის წინააღმდეგ ბრძოლაში, აწყობს საქველმოქმედო კონცერტებს და ხშირად სტუმრობს მას.
მომღერალმა ინტერვიუში აღნიშნა, რომ მიუხედავად მსგავსი ჭორებისა, ამ ეტაპზე უკრაინაში გადასვლას არ გეგმავს. მისი თქმით, მეუღლე უკრაინაში მის გადასვლას არ ეწინააღმდეგება, თუმცა:
"არ ვიცი... ზოგიერთი ჩემი ინტერვიუს არასწორად ინტერპრეტირება მოხდა, თითქოს უკრაინაში ვაპირებ გადასვლას. თუმცა, ეს ჟურნალისტების საკუთარი ხედვაა. ახლა ჩემი ქვეყანას სჭირდება, რომ ჩვენ საქართველოში ვიყოთ... ამასთანავე, უკრაინა მარტო არ უნდა დავტოვო - მტკიცედ უნდა ვიდგეთ ფეხზე და ერთად გავხსნათ ევროპის კარი. ჩვენი შვილების მომავალი არ უნდა გააფუჭოს საერთო მტერმა", - განაცხადა მომღერალმა.
"იმის გამო, რომ ჩემს აზრს გამოვთქვამ, ეს არ ნიშნავს, რომ ოპოზიციონერი ვარ. მე ვარ აქტიური ადამიანი, რომელსაც საკუთარი ქვეყნის ბედი აღელვებს. თუ მე არ ვიტყვი, ვინ იტყვის? ყველა ადამიანს აქვს უფლება გამოხატოს საკუთარი აზრი, ეს სწორია", - დაამატა მან.
პირადი ცხოვრება
ნინო ქათამაძე მეუღლესთან, დავით ლოლაძესთან, 18 წელია ქორწინებაშია. მათი სიყვარულის ისტორია ქათამაძის ტრავმირებული ფეხით ექიმთან ვიზიტით დაიწყო. დავით ლოლაძემ განათლება უკრაინაში მიიღო. წყვილს 16 წლის ვაჟი ჰყავს.
ქათამაძის თქმით, ბედნიერი ქორწინების მთავარი საიდუმლო ურთიერთპატივისცემაა:
"მთავარია არ დასვათ ზედმეტი კითხვები და აუცილებლად გიყვარდეთ ის პროფესია, რაც თქვენს მეორე ნახევარს ახარებს", - აღნიშნავს მომღერალი.
ომის დაწყების შემდეგ ნინო ქათამაძე უკრაინაში 15-ჯერ იმყოფებოდა საქველმოქმედო კონცერტებით. მან აღიარა, რომ თითოეული ვიზიტისას, განსაკუთრებით სარაკეტო დარტყმების საფრთხის ფონზე, ეშინია.
"მაგრამ მშვიდობიან დროშიც საშიშია, თუ გარშემო მოღალატეები არიან, თუ განსხვავებული შეხედულებების გამო ადამიანებს უსწორდებიან. ეს ყველაფერი რთულია... ვფიქრობ, ყველაზე სახიფათო მოღალატეების გვერდით ყოფნაა. დანარჩენი კი - ბრძოლაა სიცოცხლისთვის და თავისუფალი ხმისთვის", - აღნიშნა მომღერალმა.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კონექტიკურის ქუჩებში პატარა სელაპი იპვეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
