"შუადღის" მთავარმა პროდიუსერმა ნუკა ორჯონიკიძემ "რუსთავი 2" დატოვა
მედიაში გავრცელებული ინფორმაციით, "რუსთავი 2" -ის "შუადღის" მთავარმა პროდიუსერმა ნუკა ორჯონიკიძემ არხი დატოვა.
ასევე მედიის ინფორმაციით, "რუსთავი 2" დატოვეს ტელეწამყვანებმა ანა კოშაძემ და ვახო კანდელაკმა.
ანა კოშაძე დილის გადაცემის წამყვანი იყო, ხოლო ვახო კანდელაკი შუადღის გადაცემის.
ცნობისთვის, ბოლო დღეებში საქართველოში მიმდინარე აქციების ფონზე ხშირია ჟურნალისტებზე თავდასხმის ფაქტები. 7 დეკემბერს ნიღბიანი პირები პირდაპირ ეთერში დაესხნენ თავს "ტვ პირველის" ჟურნალისტსა და ოპერატორს და ფიზიკურად სასტიკად გაუსწორდნენ.