"ხუჯაძე რომ უპრინციპო არსებაა ვიცით, მაგრამ ამჯერად შენს სინდისს მინდა ჩავებღაუჭო... ვიცი, ბობოლა "ქოცებისგან" პატივნაცემი ხარ, მაგრამ..." - ხაჩიძე ფორჩხიძეს
გოგა ხაჩიძე ყოფილ მეგობარს დათო ფორჩხიძეს მიმართავს, რომელთან ერთადაც წლების წინ პოპულარულ ჯგუფ "სახეში" მღეროდა.
- ხაჩიძე ფორჩხიძეს მიმდინარე მოვლენებზე პოზიციის დაფიქსირებისკენ მოუწოდებს.
"დათო ფორჩხიძეს მინდა შევეხმიანო აქედან. ბიჭო დავით! ხუჯაძე რომ უიმედო-უპრინციპო არსებაა და ჯერ კიდევ ქოცებამდე იყო ქოცი ეგ ორივემ კარგად ვიცით.
ამჯერად შენს სინდისს მინდა ჩავებღაუჭო, რომელიც მგონია შერჩენილი გაქვს. ვიცი, ბობოლა ქოცებისგან პატივნაცემი და დავალებული ხარ;ვიცი, როგორი მიბმული ხარ ქოცებზე და საქოცეთზე;
ვიცი, როგორ გიჭირს შენი კომფორტული ბუნაგიდან გამოძრომა, რეალობაზე თვალის გასწორება და პოზიციის გამოხატვა, მაგრამ არც მე დაგიტოვებ სხვა შანსს, ისედაც ბევრჯერ მოახერხე არასწორი დუმილი. გამოდი და გასაგებად დააფიქსირე შენი პოზიცია! მჯერა, რომ “სახე”-ს შეინარჩუნებ! თორემ ვეღარ დაგინდობ!" - წერს ხაჩიძე.
ცნობისთვის, საქართველოს მასშტაბით საპროტესტო აქციები 28 ნოემბრის შემდეგ მიმდინარეობს. სწორედ ამ დღეს პრემიერ-მინისტრმა ირაკლი კობახიძემ განაცხადა, რომ ხელისუფლება აჩერებს ევროინტეგრაციის მოლაპარაკებების პროცესს 2028 წლამდე. აღნიშნულ განცხადებას საზოგადოების მხრიდან მწვავე პროტესტი მოჰყვა. აქციები იმართება როგორც თბილისში, ასევე საქართველოს რეგიონებში. აქციები ხშირად სრულდება სპეცრაზმის მიერ დარბევით. ამ დროის განმავლობაში დააკავეს ათობით ადამიანი, ასევე ნაცემია ათობით მოქალაქე. ნიღბიანი, უცნობი პირები 7 დეკემბერს თავს დაესხნენ "ტვ პირველის" გადამღებ ჯგუფს და ფიზიკურად სასტიკად გაუსწორდნენ.
წაიკითხეთ ასევე:
- "დიახ, ზურას გერმანიაში მკურნალობა ბიძინა ივანიშვილმა დააფინანსა... ჩემი სახალხო პაპა მთელი ცხოვრება თავს ვალში გრძნობდა ბიძინა ივანიშვილთან, მაგრამ..." - რას წერს გივი ბერიკაშვილის შვილიშვილი
- "მახარას" გახეთქილი თავის დანახვა ძალიან მტკივნეული იყო, გიორგის სიცოცხლე ჩვენი, ყველას ნალოლიავებია, რა გიმტკიცოთ? რომ "იმედზე" ვმუშაობთ, თუმცა ადამიანები ვართ?! ვიცი სადაც ვმუშაობ და სულაც არ მრცხვენია ამის!" - ნანუკა გულუა