წყლის ჭავლის მანქანები, სპეცტექნიკა და სამართალდამცველები - რა ვითარებაა ამ წუთებში რუსთაველის გამზირზე და მიმდებარე ქუჩებზე (ფოტო/ვიდეო)

“თავისუფლების მოედნის" მიმდებარედ წყლის ჭავლის მანქანები და სპეცტექნიკაა მობილიზებული. ადგილზე იმყოფებიან სამართალდამცველებიც.

პარალელურად ხალხი შეკრებილია რუსთაველის გამზირზე, სადაც უკვე მე-11 დღეა უწყვეტი საპროტესტო აქცია იმართება.

აღსანიშნავია, რომ ჭიჭინაძისა და ჩიტაძის ქუჩებზე ტერიტორია თავისუფალია და საპოლიციო კორდონი არ დგას.

• ცოტა ხნის წინ, აქციის მონაწილეებმა მთავარი ნაძვის ხის კონსტრუქციაზე, დაშავებული და ნაცემი დემონსტრანტების ფოტოები დაკიდეს.

ინფორმაციისთვის, აქციის მონაწილეები “ქართული ოცნების“ 28 ნოემბრის გადაწყვეტილებას აპროტესტებენ, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს. მათი მოთხოვნა უცვლელია - დაინიშნოს ხელახალი არჩევნები და გათავისუფლდნენ პროტესტის დროს დაკავებული მოქალაქეები.

ფოტო: გიორგი ნიკოლიშვილი/IPN

იხილეთ ასევე:

• მოქალაქეებმა, პარლამენტის წინ ნაძვის ხეზე, დემონსტრაციებისას დაშავებული ადამიანების ფოტოები დაკიდეს - ფოტოები რუსთაველის გამზირიდან, სადაც პროტესტი გრძელდება