მნიშვნელოვანი ინფორმაცია
25
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არანაირი “მაგრამ” აქ არ არსებობს" - როგორ ეხმიანებიან "ტვ პირველის" გადამღებ ჯგუფზე თავდასხმას "იმედიდან" ქეთევან ქარდავა და ნინო თოლორდავა და რას პასუხობს მათ საზოგადოების ნაწილი
10:55 / 08-12-2024
გუშინ, ღამით, "ტვ პირველის“ გადამღებ ჯგუფს კონსერვატორიის მიმდებარე ტერიტორიაზე პირდაპირ ეთერში თავს დაესხნენ. თავდაპირველად გადამღებ ჯგუფს ნიღბიანი ადამიანი მიუახლოვდა და ოპერატორისთვის კამერის წართმევა სცადა, შემდეგ კი ჟურნალისტ მაკა ჩიხლაძეს უკნიდან ასევე ნიღბიანი პირი მიუახლოვდა და ძირს დააგდო, სასტიკად გაუსწორდნენ ოპერატორს. შინაგან საქმეთა სამინისტროს ინფორმაციით, სხვადასხვა პირის ცემის ფაქტზე უწყებამ გამოძიება "სისხლის სამართლის კოდექსის" 126-ე მუხლით დაიწყო, რაც ძალადობას გულისხმობს.
კოლეგებზე თავდასხმას არაერთი ჟურნალისტი გამოეხმაურა, მათ შორის არიან "იმედის“ თანამშრომლები - ტელეწამყვანი ნინო თოლორდავა და ჟურნალისტი ქეთი ქარდავა. მათ დაგმეს კოლეგებზე ფიზიკური ანგარიშსწორება და სოლიდარობა გამოუცხადეს
ქეთი ქარდავა: მაკა ჩიხლაძე ჟურნალისტებზე და ოპერატორებზე ძალადობა, თავდასხმა, ფიზიკური ანგარიშსწორება და მუშაობაში ხელის შეშლა მიუღებელია. არანაირი “მაგრამ” აქ არ არსებობს. მედიის წარმომადგენელმა უნდა იმუშაოს თავისუფლად და მიაწოდოს ინფორმაცია მაყურებელს. მაკას ძალიან ბევრი წელია ვიცნობ. პირველ არხზე ერთად ვმუშაობდით, მისი გულშემატკივარი ვარ და ვიქნები. მაკაზე და მის ოპერატორზე თავდასხმის გარდა,ანალოგიურად ვგმობ ყველა მსგავს შემთხვევას. უმძიმესი ვიდეოა! მაკა, მიიღე ჩემი სოლიდარობა.
ნინო თოლორდავა: არა ძალადობას! მაკა ჩიხლაძე, გურამ როგავა სოლიდარული ვარ თქვენი, ყველა ჟურნალისტის და ყველა ადამიანის მიმართ, ვისაც ძალადობა პირადად შეეხო! ვგმობ ყოველგვარ ძალადობას!
მიუხედავად ჟურნალისტების სოლიდარობისა, ქარდავასა და თოლორდავას საზოგადოებამ დაგვიანებული რეაქციები დაუწუნა:
"ნინო, გაუშვა თქვენმა ტელევიზიამ ოპერატორის ცემის კადრები? 5 კაცი რომ ურტყამს ერთ დაგდებულ ადამიანს? - არა!“
"რა არა ძალადობას ნინო? თქვენს არხებზე დგას ეს მოძალადე რეჟიმი. ფარისევლობაა თქვენი სოლიდარობა.“
"რასაც "იმედზე" აკეთებთ, მაგას როდის დაგმობ, ნინო?! ხანდახან მგონია, ტყვედ აგიყვანეს მანდ ყველა და შველა გჭირდებათ!"
"10-დღიანი დაძველებით გახდი სოლიდარული გურამისადმი? მაკა სანამ არ სცემეს, მარტო გურამის ცემა არ იყო საკმარისი?“
"ქეთი, ხალხზე ძალადობენ, დაასისხლიანეს ახალგაზრდები ქუჩებში, რა შუაშია მარტო ჟურნალისტი და ოპერატორი, რეჟიმი გადამხეცდა და ადამიანებს დასდევენ მოსაკლავად ბნელ ქუჩებში, მისაღებია ეს ამბავი?!“
"იმედზე და სხვა პროპაგანდისტულ არხებზე დგას ეს ბინძური ხელისუფლება ქეთი. გადასარევად იცი ეს. ფარისევლობაა ეს ცარიელი სოლიდარობა.“
ცნობისთვის, საქართველოს მასშტაბით საპროტესტო აქციები 28 ნოემბრის შემდეგ მიმდინარეობს. სწორედ ამ დღეს პრემიერ-მინისტრმა ირაკლი კობახიძემ განაცხადა, რომ ხელისუფლება აჩერებს ევროინტეგრაციის მოლაპარაკებების პროცესს 2028 წლამდე. აღნიშნულ განცხადებას საზოგადოების მხრიდან მწვავე პროტესტი მოჰყვა. აქციები იმართება როგორც თბილისში, ასევე საქართველოს რეგიონებში. აქციები ხშირად სრულდება სპეცრაზმის მიერ დარბევით. ამ დროის განმავლობაში დააკავეს ათობით ადამიანი, ასევე ნაცემია ათობით მოქალაქე. ნიღბიანი, უცნობი პირები 7 დეკემბერს თავს დაესხნენ "ტვ პირველის" გადამღებ ჯგუფს და ფიზიკურად სასტიკად გაუსწორდნენ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
