"შეწყდეს ეს უბედურება, ქუჩაში ბავშვებზე და უდანაშაულო მომიტინგეებზე ძალადობა" - ნინი ბადურაშვილი

ნინი ბადურაშვილი მსახიობ ანდრო ჭიჭინაძის დაკავებას ეხმაურება და წერს: თავისუფლება ანდრო ჭიჭინაძეს. მომღერალი და ტელეწამყვანი ასევე აღშფოთებულია თბილისში მიმდინარე აქციების დროს დაკავებებით

- შეწყდეს ეს უბედურება, ქუჩაში ბავშვებზე და უდანაშაულო მომიტინგეებზე ძალადობა. კოშმარია ეს ყველაფერი, ვეღარ უძლებს გული.

ნინი ბადურაშვილმა რამდენიმე დღიანი დუმილი პირველად 30 ნოემბერს დაარღვია და რუსთაველის გამზირზე ბოლო დღეებში მიმდინარე მოვლენებს ინსტაგრამზე გამოეხმაურა. „ძირს დაგდებული ადამიანის ფეხით თელვა კი სისასტიკე და სიბოროტეა“ - წერდა მომღერალი.

ამ დრომდე, ბადურაშვილი პირველია გადაცემა „პრაიმშოუს“ წამყვანებიდან, რომელიც არსებულ პოლიტიკურ ვითარებას გამოეხმაურა. საკუთარი პოზიცია არ გამოუთქვამთ ანრი ჯოხაძეს, ნოე სულაბერიძეს, ირაკლი მაქაცარიასა და ნინო ნადირაძეს. ინსტაგრამის საკუთარი გვერდი გაუქმებული აქვს ირაკლი მაქაცარიას.

წაიკითხეთ ასევე:

• "შეწყდეს ხალხის ქუჩებში დევნა! დაპატიმრება! ბავშვების გასამართლება!" - რას წერს გიორგი გასვიანი