"ალბათ ყველამ იცის, რაც ხდება ამ წუთებში ჩემს ქვეყანაში... მინდა, დღევანდელი გამარჯვება ჩემს ქვეყანას მივუძღვნა" - რა თქვა აფხაზეთიდან დევნილმა ქართველმა მებრძოლმა გოგონამ რუსი მეტოქის დამარცხების შემდეგ?
ქართველმა მებრძოლმა სოფო ბაღიშვილმა Octagon MMA-ზე ბრწყინვალე გამარჯვება მოიპოვა. მან რუსი მეტოქე მარინა შუტოვა მეორე რაუნდში არმბარით - ხელის მტკივნეული ილეთით დაამარცხა და ხალხს შემდეგი სიტყვებით მიმართა:
"ალბათ ყველამ იცის, რაც ხდება ამ წუთებში ჩემს ქვეყანაში , მიტინგები და დაპირისპირებაა, მინდა, ჩემი დღევანდელი გამარჯვება ჩემს ქვეყანას მივუძღვნა, რომელიც ძალიან მიყვარს და ასევე უკრაინას, რომელიც ჩემი მეორე სამშობლოა".
სოფო აფხაზეთიდან დევნილია, რომლის მთავარი მიზანი UFC-ში ქამრისთვის ჩხუბია.