მნიშვნელოვანი ინფორმაცია
21
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩემს 14 წლის შვილს 42 წლის მთვრალმა კაცმა ლუდის ბოთლით თავი გაუტეხა... ურთულესი პროცესის შემდეგ ახლა ჩემი სიხარული უსაზღვროა" - რას ჰყვება თეონა კონტრიძე
12:33 / 06-12-2024
თეონა კონტრიძე ინსტაგრამზე ვიდეოს აქვეყნებს, სადაც ჰყვება, როგორ შეძლო სასამართლოს გზით სამართლიანობას ეზეიმა და ციხეში ჩაესვათ კაცი, რომელმაც მისი ოჯახის წევრს ფიზიკური შეურაცხყოფა მიაყენა.
- მომღერლის თქმით, 42 წლის მამაკაცმა სამი წლის წინ, მის მოზარდ შვილს, გიორგის, თავი ბოთლით გაუტეხა. სასამართლო პროცესი წლები გაგრძელდა.
"დამნაშავეს სამწლიანი პატიმრობა მიუსაჯეს! ეს იყო ურთულესი პროცესი. სამი წლის წინ, ჩემს 14 წლის შვილს, 42 წლის მთვრალმა კაცმა ლუდის ბოთლით თავი გაუტეხა. ის მაშინვე არ დაუსჯიათ და პირობითი სასჯელი მისცეს, რაც ჩემთვის სრულიად მიუღებელი იყო. მეგონა, საქმე იმდენად აშკარა იყო, რომ სასამართლო თვითონ მოაგვარებდა, თუმცა აუცილებელი აღმოჩნდა კვალიფიციური ადვოკატის დახმარება" – აღნიშნა მომღერალმა.
მისი თქმით, შურისმაძიებელი ადამიანი არ არის და მისი შვილიც ასე ფიქრობს, თუმცა სამართლიანობის აღსრულება აუცილებელი იყო.
"ამაში ძალიან დაგვეხმარა ჩემი მეგობარი, ადვოკატი შოთა გორგაძე. ახლა ჩემი სიხარული უსაზღვროა. ეს გამარჯვება ეკუთვნის ყველა ბავშვსა და მშობელს,“ – დასძინა მან.
გავრცელებულ ვიდეოში ბიჭმა აღნიშნა, რომ ინციდენტის შემდეგ ქუჩაში გასვლის ეშინოდა, რადგან თავს დაცულად არ გრძნობდა. თავიდან ბიჭს სურდა, უბრალოდ დაევიწყებინა მომხდარი, მაგრამ ვერ მოახერხა. მისი თქმით, როდესაც დამნაშავეს პირობითი სასჯელი მისცეს, ვერ გაიგო, რატომ მოექცნენ ასე უსამართლოდ. საბოლოოდ გამარჯვება გიორგისთვის მნიშვნელოვანი აღმოჩნდა და ამისთვის ის ძალიან მადლიერია.
თეონა კონტრიძე შვილს მეუღლესთან, ნიკოლოზ კლოპოვთან ერთად ზრდის. მომღერალმა ცოტა ხნის წინ გაამხილა, რომ მის ქმარს ხუთი წლის წინ გაფანტული სკლეროზის დიაგნოზი დაუსვეს და უკვე ერთი წელია ეტლით სარგებლობს. თეონას თქმით, ისინი ერთად უმკლავდებიან სირთულეებს და ყოველი დღე სიხარულით და იმედით იწყება.
მომღერალს ასევე ჰყავს უფროსი ქალიშვილი, რომელიც მომღერალ იური ტიტოვისგან შეეძინა. ტიტოვმა ცოტა ხნის წინ განაცხადა, რომ შვილთან ურთიერთობა შეწყვიტა, რადგან გოგონამ სთხოვა, მის ცხოვრებაში არ ჩარეულიყო. მისი აზრით, ყველაფერი შეიძლება შეიცვალოს, როდესაც გოგონა გაიზრდება და დამოუკიდებელ გადაწყვეტილებებს მიიღებს.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
