"რას ჰქვია დაიღალნენ? სპეცრაზმელი არ იღლება... მათ ხალხი არ უცემიათ, მოიგერიეს" - "ხარება"

განსაკუთრებულ დავალებათა დეპარტამენტის ხელმძღვანელი, ზვიად ხარაზიშვილი ამბობს, რომ სპეცრაზმს ხალხი არ უცემია, არამედ "მათ ისინი მოიგერიეს".

ამის შესახებ მან ჟურნალისტებთან საუბრისას განაცხადა.

• ასევე აღნიშნა, რომ სპეცრაზმი არ დაღლილა. კითხვაზე ნახა თუ არა კადრები, სადაც ჩანს, როგორ სცემს მისი თანამშრომელი ჟურნალისტ გურამ როგავას, ხარაზიშვილმა უპასუხა, რომ "როგავას არ იცნობს".

"რას ჰქვია დაიღალნენ? სპეცრაზმელი არ იღლება, ვერავინ ვერ დაღლის. ხალხი არ უცემიათ, მოიგერიეს. მათი მოქმედება სიტუაციიდან გამომდინარე ხდება" - აღნიშნა "ხარებამ".

ზვიად ხარაზიშვილის თქმით, ყველა იტყუება, ვინც ამბობს, რომ სპეცრაზმი არაფხიზელ მდგომარეობაშია.

"მაგას ვინც იძახის, რომ სპეცრაზმი არაფხიზელ მდგომარეობაშია, არასწორი ხალხია. ყველა იტყუება მაგას. მოიყვანონ რომელია არაფხიზელი, რეებს იტყუებით? ვინც მაგას ამბობს ის არის თვითონ ნარკომანიც და არაფხიზელ მდგომარეობაშიც. ვინ პრეზიდენტზე მელაპარაკებით?“, - განაცხადა ზვიად ხარაზიშვილი.

• ცნობისთვის, პრეზიდენტის განცხადებით, სპეცდანიშნულების ძალები აშკარად ნარკოტიკული ნივთიერებების ზემოქმედების ქვეშ იმყოფებიან, რაზეც მათი ბრუტალურობა მეტყველებს.

"მათ ურიგებენ „ამფეტამინს“ თუ არ ვიცი, სხვა ნივთიერებებს, რაც მათ გამძლეობას განაპირობებს“,- განაცხადა სალომე ზურაბიშვილმა France Inter-თან ინტერვიუში.