"რეპრესიები საქართველოში - სასწრაფოდ მოვუწოდებ ჩვენს პარტნიორებს, რომ..." - პრეზიდენტის განცხადება დაკავებებზე

საქართველოს პრეზიდენტი, სალომე ზურაბიშვილი ქვეყანაში განხორციელებულ დაკავებებს ეხმაურება და საქართველოს პარტნიორებს მმართველ პარტიაზე ზეწოლის მოხდენისკენ მოუწოდებს.

• "რეპრესიები საქართველოში - სასწრაფოდ მოვუწოდებ ჩვენს პარტნიორებს და მათ, ვისაც სურთ აღკვეთონ კრიზისის გაღრმავება და არასტაბილურობა, დროა ძლიერი ზეწოლა მოახდინოთ მმართველ პარტიაზე, რომელიც ქვეყანას კლდეზე აგდებს! ნუ დააგვიანებთ", - წერს პრეზიდენტი სოციალურ პლატფორმა X-ზე.

სალომე ზურაბიშვილი სოციალურ პლატფორმა X-ზე კიდეც ერთ პოსტს აქვეყნებს.

"რეპრესიული ძალების მიერ ნათრევი პოლიტიკური ლიდერები, პარტიის შტაბი ეწინააღმდეგება ჩხრეკისა და ამოღების ოპერაციებს, ახალგაზრდა მომიტინგეების ოფისებს ჩხრეკენ, პრემიერი ამას "პრევენციას“ უწოდებს", - წერს პრეზიდენტი.

ცნობისთვის, დღეს აქტივისტების ბინებსა და პოლიტიკური პარტიების ოფისებში პოლიციამ ჩხრეკა ჩაატარა. უფრო კონკრეტულად, საგამოძიებო მოქმედებები ჩატარდა „ერთიანობა ნაციონალური მოძრაობის“, „კოალიცია ცვლილებისთვის“ და „დროას“ ოფისებში. ასევე გაჩხრიკეს „დაიტოვეს“ ერთ-ერთი დამფუძნებლის ილია ღლონტის ბინა.

გარდა ამისა, „დროას“ ოფისთან, ჩხრეკის პარალელურად, დააკავეს „კოალიცია ცვლილებისთვის“ ლიდერი ნიკა გვარამია და კოალიციის წევრი გელა ხასაია. დაკავებულია მოძრაობა „დაფიონის“ წევრი, ზვიად ცეცხლაძეც. ასევე, სამართალდამცავებმა „ძლიერი საქართველოს“ ორი წევრი დააკავეს. დაკავებულია „ერთიანობა ნაციონალური მოძრაობის“ ახალგაზრდული ორგანიზაციის რამდენიმე წევრი.

წაიკითხეთ ასევე:

• როგორ ეხმაურება პრემიერი საჯარო დისკუსიასთან დაკავშირებით ჯანელიძისა და ხიდაშელის უარს?
• "ჩხრეკების და დაკავებების ახალი ტალღა დაიწყეს დღეს..." - მიხეილ ჯანელიძე ირაკლი კობახიძესთან დებატებში მონაწილეობაზე უარს ამბობს
• ხმაური და დაპირისპირება “დროას“ ოფისთან - სამართალდამცველებმა ნიკა გვარამია, სავარაუდოდ, დააკავეს (ვიდეო)