"აქამდე ეს ევროპა ვინ მოიტანა თქვენამდე, თუ არა ჩვენ?! "ქართულ ოცნებასთან" ერთად არ გინდათ ევროპა?! აბა, "ნაცებთან" ერთად გინდათ?!" - ნინო წილოსანი
"ვანდალიზმით და ადამიანების სიცოცხლის ხელყოფით ვერ შევალთ ევროპაში", - ამის შესახებ სოციალურ ქსელში პარტია "ქართული ოცნების" წარმომადგენელი, ნინო წილოსანი წერს. მისი თქმით საქართველოში მიმდინარე საპროტესტო აქციას მიზანი არ აქვს.
"აქციის მოთხოვნა რა არის, ვინმემ ზუსტად იცით?
ევროპაში გვინდა? - კი, ჩვენც გვინდა. აბა, აქამდე ეს ევროპა ვინ მოიტანა თქვენამდე, თუ არა ჩვენ?!
"ქართულ ოცნებასთან" ერთად არ გინდათ ევროპა?! აბა, "ნაცებთან" ერთად გინდათ? - იმდენად წამგებიანია ამის ხმამაღლა გაცხადება, რომ ვერ დაგაცდენინებთ კის.
ალბათ "ლელოსთან" ერთად გინდათ, რომლის წევრები გუშინ ორასი კაცის ბენზინით დაწვას გეგმავდნენ?
"გახარიასთან" ერთად ხომ არა? გაიხსენეთ, რას ეძახდით გახარიას.. გაგახსენდათ?!
ვანდალიზმით და ადამიანების სიცოცხლის ხელყოფით ვერ შევალთ ევროპაში!!!
ჰოდა აქციას, რომელსაც არ აქვს მოთხოვნა, არ აქვს მიზანი და შეუძლია ბავშვები საკუთარ ბრმა იარაღად გამოიყენოს ვერ იქნება სამართლიანი ვერც ღირსეული!" - წერს ნინო წილოსანი.