აქციის მონაწილეები ამ წუთებში ვაკის პარკის მიმართულებით მსვლელობას მართავენ
აქციის მონაწილეებმა თსუ-ის პირველი კორპუსიდან ვაკის პარკისკენ გადაინაცვლეს.
მათ თსუ-ის პირველი კორპუსის მიმდებარე ტერიტორიის დატოვების შემდეგ, თავდაპირველად, ჭავჭავაძის გამზირის მიმდებარე ქუჩებით იარეს, ამ წუთებში კი ისინი ჭავჭავაძის გამზირზე დაბრუნდნენ და ვაკის პარკის მიმართულებით მსვლელობას მართავენ.
- ცნობისთვის, აქციის მონაწილეებს ნაწილს ტერიტორია თსუ-ის პირველი კორპუსის მიმდებარედ, ვარაზის ხევისა და კეკელიძის ქუჩის კვეთაზე, ჰქონდათ დაკავებული. მათ თსუ-ის პირველ კორპუსთან გზა ჰქონდათ გადაკეტილი, მოწყობილი ჰქონდათ ბარიკადები და დანთებული ჰქონდათ ცეცხლი.
მომიტინგეებმა ტერიტორია სპეცრაზმელებისა და სამართალდამცავების გამოჩენისთანავე დატოვეს.