"მოკლედ, რაც გავიგე, ადრე დაშლა დაღლილობის ნიშანია... ამხელა აღჭურვილობის ტარებით ფეხები უსივდებათ, დიდხანს არიან უჭმელები" - რას წერს ეკა კვესიტაძე

პარლამენტის მიმდებარე ტერიტორია ცოტა ხნის წინ წლის ჭავლისა და ცრემლსადენი გაზის გამოყენებით გაათავისუფლეს. გასული დღეებისგან განსხვავებით სპეცდანიშნულების რაზმმა მოქმედება დღეს უფრო ადრე დაიწყო. საპოლიციო ძალებმა მომიტინგეების წინააღმდეგ ცრემლსადენი გაზი გამოიყენა. ასევე იყო დაკავებებიც.

ჟურნალისტი ეკა კვესიტაძე ამ თემაზე სოციალურ ქსელში წერს:

"მოკლედ, მე რაც გავიგე და როგორც ამიხსნეს, ადრე დაშლა დაღლილობის ნიშანია. გაძლებაზე არიან, იღლებიან საშინლად, ამხელა აღჭურვილობის ტარებით ფეხები უსივდებათ, დიდხანს არიან უჭმელები და უძილოები და ასევე არ უნდა დაგვავიწყდეს, ფეიერვერკებით განსხივოსნებულები 112 ში საპროტესტო განწყობააო (ასე მითხრეს).

სახანძროში განწყობები მნიშვნელოვანია ახლა. პლუს, ხალხი ვერ ჩამოჰყავთ რეგიონებიდან, რადგან იქაც პროტესტია. დასდევენ სხვადასხვა კომპანიაში ტიპებს, რომ მარბიელი რაზმი შეავსონ და რაღაც ნაწილი მაინც დაასვენონ. ხომ, დაღლილები თურმე მაგრად აგინებენ უფროსობას, ვიღაც შეიძლება აღარ გამოცხადდეს და ა.შ. მოკლედ, თუ დიდხანს გავძლებთ, კარგი შანსები გვაქვს" - წერს კვესიტაძე.

წაიკითხეთ ასევე:

• "დღეს მივიღეთ გადაწყვეტილება, თავიდანვე დაგვეწყო ღონისძიება, რადგან..." - ვაჟა სირაძის განცხადება აქციის დაშლის მიზეზზე