მომიტინგეები წყლის ჭავლის გაშვების შემდეგ წყალს სათლებში იღებენ და სპეცრაზმელებს უკან ასხამენ (ვიდეო)
პარლამენტის მიმდებარე ტერიტორიაზე აქციის მონაწილეების დაშლას სამართალდამცველები პერიოდულად წყლის ჭავლით ცდილობენ, რომელსაც საკანონმდებლო ორგანოს შენობიდან უშვებენ.
პარლამენტის წინა ფასადთან კი მოქალაქეები შადრევნიდან სათლით იღებენ წყალს და ფასადზე განლაგებულ სპეცრაზმელებს უკან ასხამენ.
პარალელურად, საპოლიციო ძალები დგანან როგორც თავისუფლების მოედანზე, ისე ჭიჭინაძისა და ჩიტაძის ქუჩაზეც.
განსაკუთრებულ დავალებათა დეპარტამენტს ორივე ქუჩა გადაკეტილი აქვთ კორდონით, შესაბამისად, უკანა მხარეს გადასვლა შეუძლებელია.
ჭიჭინაძის ქუჩაზე განლაგებულია წყლის ჭავლის მანქანაც.