“არ მახსოვს როდისმე, 07:30 საათზე, ვაკეში მიტინგი ყოფილიყოს და გზაჯვარედინი ჩაეკეტოს“ - ზურაბ გირჩი ჯაფარიძე

ცოტა ხნის წინ, რუსთაველის გამზირზე მიმდინარე აქციამ, მელიქიშვილის გამზირზე გადაინაცვლა.

აქციის მონაწილეების თქმით, ისინი ჯერჯერობით მელიქიშვილზე დარჩებიან და პროტესტი უწყვეტად გაგრძელდება.

• “კოალიცია ცვლილებებისთვის“ ერთ-ერთი ლიდერის, ზურაბ (გირჩი) ჯაფარიძის განცხადებით, ოპოზიციის ლიდერებს აქვთ რამდენიმე გეგმა, რომელსაც ჯერ არ გააჟღერებს.

“ჯერჯერობით უწყვეტია პროტესტი. აქ ვიქნებით რაღაცა პერიოდი და მერე ვაპირებთ რაღაცის გაკეთებას, რომელსაც, როცა გავაკეთებთ, მერე გეტყვით.

მე არ მახსოვს როდისმე 07:30 საათზე, ვაკეში მიტინგი ყოფილიყოს და გზაჯვარედინი ჩაეკეტოს. 1988 წლიდან დავდივარ მიტინგებზე, არაფერი მსგავსი არ მახსოვს.