“რუსთაველის თეატრის კარი ამ წუთებში ღიაა, ნაცემი და დახუთული “უსამშობლოები” აფარებენ თავს - ნებისმიერი სახელმწიფო თეატრი ეკუთვნის ხალხს!“ - რეჟისორი დათა თავაძე

“ყველას გადაეცით, რომ რუსთაველის თეატრის კარი ამ წუთებში ღიაა და ნაცემი და დახუთული “უსამშობლოები” აფარებენ თავს. იმიტომ რომ ნებისმიერი სახელმწიფო თეატრი ეკუთვნის ხ ა ლ ხ ს!!!! და მორჩა!!!!“ -ამის შესახებ სოციალურ ქსელში რეჟისორი დათა თავაძე წერს.

გავრცელებული ინფორმაციით, აქციის მონაწილეებმა რუსთაველის თეატრის სარეკლამო ბანერი ჩამოხსნეს და მას თავის დასაცავად გამოიყენებენ.

ასევე, გახსნილია რუსთაველის თეატრის კარები და შენობაში აქციის მონაწილეებს შეუძლიათ შესვლა.

მანამდე დათა თავაძე თეატრის კარების გახსნას მოითხოვდა:

“ადამიანი აღარ შერჩა Rustaveli National Theatre • რუსთაველის ეროვნული თეატრს, რომ ჭიშკარი გახსნას და ხალხი შეგვიფაროს!!! მორჩა!!! აღარ არის კახი კავსაძე!!!“ - წერდა ის.

რეჟისორი თავის ერთ-ერთ სტატუსში აქციაზე მომხდარი ძალადობის შემთხვევებზე წერს.

“დღეს, ვინც ამ ყველაფრის შემხედვარე, ჯერ კიდევ რჩება “ქართული ოცნების” მხარდამჭერად, არის ისეთივე მანიაკი, როგორც ნებისმიერი ზონდერი, ისეთივე ბოროტი, როგორც ამ საოკუპაციო ძალის ბოროტი მეთოდები!

უბრალოდ ბოროტები ხართ და არ მჯერა, რომ არ მოგწონდეთ, რასაც უყურებთ, ან არ გსიამოვნებდეთ, როცა ადამიანები ტკივილისაგან იტანჯებიან, სადისტებო!“

იხილეთ ასევე:

"დღეს ბებიები იცავდნენ შვილიშვილებს რობოკოპებისგან - მეც მყავდა ჩემი დაცვა!" - რეჟისორი დათა თავაძე აქციაზე ბებიასთან - მაკა მახარაძესთან ერთად