მამუკა გორგოძე, ვაკო ყაზაიშვილი, დავით ხოჭოლავა და სხვები - როგორ ეხმიანებიან ქართველი სპორტსმენები თბილისში განვითარებულ მოვლენებს
საქართველოში განვითარებულ მოვლენებს, ხელისუფლების მიერ ევროკავშირთან ინტეგრაციის პროცესის შეჩერებას, ხოლო შემდეგ საპროტესტო აქციაზე სპეცრაზმის მიერ ძალის გამოყენებას სპორტსმენებიც ეხმიანებიან და სოციალურ ქსელში გამოქვეყნებული სთორებით პროტესტს გამოთქვამენ.
ვნახოთ, ვინ როგორ ეხმიანება მიმდინარე მოვლენებს:
ქართული რაგბის ლეგენდის, მამუკა გორგოძის სთორი ინსტაგრამზე:
ფეხბურთელ ვაკო ყაზაიშვილის სთორი "ინსტაგრამზე":
წყალბურთელი სანდრო ადეიშვილი თვითონვე არის აქციების აქტიური მონაწილე და დემონსტრაციიდან მას არაერთი ვიდეო აქვს გამოქვეყნებული. ეს კი მისი ერთ-ერთი სთორი:
- ავტომრბოლელი მევლუდ მელაძე წერს:
"ქვეყანაში განვითარებული მოვლენების და ჩევენი მამაცი ხალხის სოლიდარობისთვის ვააჩერებ ყველა სახის საწვრთნელ პროგრამას!"
- ფეხბურთელი დავით ხოჭოლავა პუტინის იმ განცხადებას აზიარებს, სადაც რუსეთის პრეზიდენტი "ქართულ ოცნებას" აქებს და წერს:
"გილოცავთ .ყ..მ შეგაქოთ "
შეგახსენებთ, თბილისში 28 ნოემბერს, საპროტესტო გამოსვლები მას შემდეგ დაიწყო, რაც პრემიერ-მინისტრმა, ირაკლი კობახიძემ მმართველი გუნდის გადაწყვეტილება გამოაცხადა, რომ საქართველომ 2028 წლის ბოლომდე დღის წესრიგში არ დააყენებს ევროკავშირთან მოლაპარაკებების გახსნის საკითხს. აქციის მონაწილეები თბილისში ორი ლოკაციაზე - გორგასლის ქუჩაზე, "ქართული ოცნების" ოფისთან და რუსთაველის გამზირზე, პარლამენტის შენობასთან შეიკრიბნენ. მოგვიანებით აქცია გაერთიანდა პარლამენტის წინ, სადაც ვითარება სამართალდამცველებსა და აქციის მონაწილეებს შორის არაერთხელ დაიძაბა. დაახლოებით, ღამის 2:00 საათის, შემდეგ საპოლიციო ძალებმა დემონსტრანტების გაფრთხილების შემდეგ, რუსთაველის გამზირზე მიმდინარე აქციის დაშლა დაიწყეს. სპეცრაზმმა მომიტინგეების წინააღმდეგ წყლის ჭავლი არაერთხელ გამოიყენა.