"მოქმედების დროა დღეს! ქართულმა ჯარმა ხალხი უნდა დაიცვას, საკუთარი მოსახლეობა და სამშობლო!" - თინა ხიდაშელი
თავდაცვის ყოფილი მინისტრი თინა ხიდაშელი წერს, რომ დროა, ქართულმა ჯარმა ხალხი დაიცვას.
ის რუსთაველის გამზირზე მიმდინარე მოვლენებს სოცქსელში ეხმაურება.
"მოქმედების დროა დღეს! საქართველოს უახლესი ისტორია იწერება დღეს! ქართულმა ჯარმა ხალხი უნდა დაიცვას, საკუთარი მოსახლეობა და სამშობლო! ახლა კეკლუცის დრო არ არის. ან ვიბრძოლებთ ჩვენი ხვალინდელი დღისთვის ან ამ თაობის ქართველებისთვის თავისუფლების კარი ჩაირაზება.
ამასობაში ამ ბრძოლას სტრუქტურა და ორგანიზება სჭირდება, არა უბრალოდ ლიდერი, ორატორი, არამედ ორგანიზებული წინააღმდეგობა. ფართო ფრონტი და დისციპლინა. ამ ბრძოლაში გამოიძერწება ქვეყნის ევროპული მომავლისკენ წამყვანი პოლიტიკური ძალა და ლიდერიც!ა ბურთი, ა მოედანი!" - წერს ხიდაშელი.
წაიკითხეთ ასევე: