განსაკუთრებული შესაძლელობები, რომლებსაც Webster University Georgia-ს ფსიქოლოგიის საბაკალავრო პროგრამის სტუდენტები მიიღებენ
Webster University Georgia-ში ფსიქოლოგიის მეცნიერების საბაკალავრო პროგრამაზე მიღება გრძელდება. უნივერსიტეტის წარმომადგენლები განმარტავენ, რომ აღნიშნულ მიმართულებაზე მოთხოვნა უნივერსიტეტის ყველა კამპუსში მსოფლიო მასშტაბით და მათ შორის, საქართველოში, მაღალია.
ქართულ საგანმანათლებლო ბაზარზე Webster University Georgia-ს ფსიქოლოგიის საბაკალავრო პროგრამა უკონკურენტოა არაერთი მიზეზის გამო. გაგაცნობთ რამდენიმე მათგანს:
- Webster University Georgia სტუდენტებს უმაღლეს ამერიკულ განათლებასა და საერთაშორისოდ აღიარებულ ამერიკულ დიპლომთან ერთად, უნივერსიტეტის 50-მდე კამპუსიდან ნებისმიერში ერთწლიან სწავლის შესაძლებლობას სთავაზობს ქართული კამპუსის სწავლის საფასურის შენარჩუნებით.
- Webster University Georgia-ს ფსიქოლოგიის მეცნიერების პროგრამა სტუდენტს აძლევს ცოდნას ძირითადი ფსიქოლოგიური ცნებების, ბიოლოგიური, შემეცნებითი, პიროვნული და სოციალური კონტექსტის გასაგებად და ინდივიდების ქცევის აღსაწერად. სტუდენტებს, რომლებიც წარმატებით დაასრულებენ საბაკალავრო პროგრამას ფსიქოლოგიის მეცნიერებაში, ექნებათ დარგის საფუძვლიანი ცოდნა და გამოუმუშავდებათ კვლევის უნარები, შეეძლებათ მონაცემთა ანალიზი, და შეძლებენ სწავლა განაგრძონ ფსიქოლოგიის სამაგისტრო პროგრამაზე სხვადასხვა მიმართულებით.
- სტუდენტები სიღრმისეულად შეისწავლიან ფსიქოლოგიის ყველა მიმართულებას. მათ შორისაა თერაპიული ფსიქოლოგია, კოგნიტური ფსიქოლოგია, განვითარების ფსიქოლოგია და სხვა.
- ფაკულტეტზე ასწავლიან დარგის ექსპერტები, რომლებიც ქართული კამპუსის პარალელურად Webster University-ის სხვადასხვა კამპუსში ახორციელებენ აკადემიურ საქმიანობას.
- კურსდამთავრებულს შეუძლია საქმიანობა გააგრძელოს: კლინიკურ ფსიქოლოგად, სახელმწიფო და არასამთავრობო ორგანიზაციაში ფსიქოლოგად, სოციალურ მუშაკად, კვლევის ანალიტიკოსად, ადამიანური რესურსების მართვის სპეციალისტად.
- აღსანიშნავია, რომ Webster University Georgia-ში სხვა კამპუსების ანალოგიური სასწავლო პროგრამები ხორციელდება. თუმცა მნიშვნელოვნად განსხვავდება სწავლის ღირებულება. საქართველოს მოქალაქეებისთვის აკადემიური წლის სწავლის გადასახადი 7900 დოლარია.
- ვებსტერის უნივერსიტეტი აკრედიტებულია აშშ-ს The Higher Learning Commission (HLC) - ის მიერ. აკრედიტაცია ფარავს საბაკალავრო და სამაგისტრო პროგრამებს მსოფლიოს ყველა კამპუსში, საქართველოს ჩათვლით.
- Webster ამერიკული საგანმანათლებლო სისტემის ერთ-ერთი ყველაზე წარმატებული და პოპულარული წარმომადგენელია. 1915 წელს დაარსებული უნივერსიტეტის მთავარი კამპუსში აშშ-ში, მისურის შტატში მდებარეობს. პირველი საერთაშორისო ფილიალი 1972 წელს ჟენევაში, შვეიცარიაში გაიხსნა. ამჟამად კი ვებსტერის უნივერსიტეტს სასწავლო კამპუსები აქვს შვეიცარიაში, ავსტრიაში, ჰოლანდიაში, ნიდერლანდებში, ჩინეთში და საბერძნეთში.
ერთიან ეროვნულ გამოცდებზე ფსიქოლოგიის მეცნიერებათა ინგლისურენოვანი პროგრამის კოდია 2020104.
R