განგაში უკრაინის მთელ ტერიტორიაზე, ზოგან გაითიშა ელექტროენერგია - რუსეთი “კალიბრებით“ და ფრთოსანი რაკეტებით თითქმის ყველა რეგიონს უტევს

რუსული ძალები დღეს დილიდან უკრაინის ტერიტორიაზე მასიურ სარაკეტო თავდასხმას ახორციელებენ.

• განგაში გამოცხადებულია უკრაინის მთელ ტერიტორიაზე. განახლებული ინფორმაცია სხვადასხვა რეგიონში ჩამოვარდნილი რაკეტის, ან ნამსხვრევების შესახებ, ყოველ წუთს ვრცელდება.

ქვეყანაში დაიწყო ელექტროენერგიის გათიშვა. უკრაინის ენერგეტიკის მინისტრის გერმან გალუშჩენკოს განცხადებით, რუსეთი უკრაინის ენერგეტიკულ ობიექტებს უტევს.

არსებული ინფორმაციით, წუხელ რუსებმა დრონები გაუშვეს, დილით კი Tu-95MS ტიპის 7 სტრატეგიული ბომბდამშენი აფრინდა ცაში. ამასთან, დღეს დილით რუსებმა შავი ზღვიდან “კალიბრები“ გაუშვეს.

ხარკოვის რეგიონული სახელმწიფო ადმინისტრაციის ხელმძღვანელი, ოლეგ სინეგუბოვი იუწყება, რომ მტერმა ხარკოვზე სამი დარტყმა განახორციელა. შედეგები, ჯერჯერობით, უცნობია.

კრასნოდარის ოლქში განხორციელებული თავდასხმის შედეგად არიან დაშავებულები. რეგიონის გუბერნატორis ვენიამინ კონდრატიევის თქმით, მძიმეა ერთ-ერთი ქალის მდგომარეობა.

ტელეგრამარხებზე სარაკეტო აფეთქებების შესახებ ინფორმაცია მუდმივად ახლდება. აფეთქებები ისმის, ლუცკში, როვნოში, სუმის ოლქში, ვინიცის ოლქში, ხმელნიცკში. რაკეტით დაარტყეს კიევსაც, მისი ნამსხვრევები კი დნეპროპეტროვსკის რეგიონში დააფიქსირეს.

წყარო