მეცნიერებმა გრენლანდიის ყინულის ქვეშ ჩამარხული "ქალაქი" აღმოაჩინეს, საიდანაც საბჭოთა კავშირის წინააღმდეგ უნდა ებრძოლათ - რა დეტალები ხდება ცნობილი

"ნასას" მეცნიერებმა გრენლანდიის ყინულის ქვეშ, 100 ფუტის სიღრმეში ჩამარხული მიწისქვეშა "ქალაქი" აღმოაჩინეს.

• ეს Camp Century, ცივი ომის ეპოქის მიტოვებული სამხედრო ინსტალაციაა და მიზნად ისახავდა ტაქტიკური უპირატესობის უზრუნველყოფას საბჭოთა კავშირის წინააღმდეგ ბირთვულ ბრძოლაში. იგი დუაიტ ეიზენჰაუერის ბრძანებით აშენდა.

Camp Century ზომით სამჯერ აღემატებოდა დანიას, იკავებდა 52000 კვადრატულ მილს (დაახლოებით ლუიზიანას ზომა) და აღჭურვილი იყო 2000 საცეცხლე პოზიციით, საიდანაც 600 "Iceman" რაკეტის გაშვება იქნებოდა შესაძლებელი.

• Washington Post-ის ინფორმაციით, ეს 600 რაკეტა საკმარისი იქნებოდა საბჭოთა კავშირსა და აღმოსავლეთ ევროპაში აშშ-ს სამიზნეების 80%-ის გასანადგურებლად.

ამ ფართო სამხედრო გეგმების შესახებ დანია ინფორმირებული არ იყო. შეერთებულმა შტატებმა დანიელ ოფიციალურ პირებს განუცხადა, რომ პროექტი მხოლოდ სამეცნიერო კვლევის მიზნებისთვის შეიქმნა. "Project Iceworm"-ის რეალური მოტივები 1997 წელს გამოვლინდა.

"Project Iceworm" და Camp Century 1967 წელს მიატოვეს. მთლიანობაში მისი ფასი 25 მილიარდ დოლარზე მეტს შეადგენდა.

წყარო