მნიშვნელოვანი ინფორმაცია
13
ივნისიდღის ზოგადი ასტროლოგიური პროგნოზი
შაბათი, მთვარის მეთვრამეტე დღე, მერწყულს ესტუმრება 14:57-ზე – იმუშავეთ მშვიდად და საფუძვლიანად. მოაგვარეთ მარტივი ფინანსური საკითხები. გადადეთ მნიშვნელოვანი საქმეები. იყავით ყურადღებიანი იმის მიმართ, რაც ხდება და მოუსმინეთ რას გეუბნებათ ხალხი. იყავით ფხიზლად და მოერიდეთ კონფლიქტს. გამოიჩინეთ მოქნილობა და ორიგინალურობა ადამიანებთან ურთიერთობისას. სამსახურში გამოავლინეთ თქვენი საუკეთესო მხარე. ხორცზე უარის თქმა ჯობია. გამოიყენეთ მცენარეული ზეთი. ალკოჰოლური სასმელები უნდა გამოირიცხოს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლოკდაუნი დედაქალაქში, 5 მოკლული, ასზე მეტი დაშავებული, შეტაკებები პოლიციასთან და გათიშული ინტერნეტი - რა ხდება პაკისტანში?
11:15 / 26-11-2024
პაკისტანში ყოფილი პრემიერ-მინისტრის მხარდამჭერებსა და პოლიციას შორის შეტაკებების შედეგად, 119 ადამიანი დაშავდა. The Guardian-ის ცნობით, მოკლულია 5 ადამიანი, მათ შორის ერთი პოლიციელია.
გამოცემის ცნობით, დაკავებული ყოფილი პრემიერ-მინისტრის, იმრან ხანის მხარდამჭერები ისლამაბადში, პარლამენტთან საპროტესტო აქციის გამართვას ცდილობდნენ, რა დროსაც უსაფრთხოების ძალებმა და პოლიციამ მათ წინააღმდეგ ცრემლსადენი გაზი გამოიყენა. პაკისტანის პოლიციამ იმრან ხანის ათეულობით მხარდამჭერი დააკავა.
შედეგად, ხელისუფლებამ მთელი ქვეყნის მასშტაბით, მკაცრი შეზღუდვები დააწესა. დედაქალაქში ლოკდაუნი გამოცხადდა, შეზღუდულია ინტერნეტის მიწოდება. გადაკეტილია დედაქალაქისკენ მიმავალი ძირითადი გზები.
მას შემდეგ, რაც ყოფილმა პრემიერ-მინისტრმა მხარდამჭერებს მოუწოდა, რეგიონებიდან ისლამაბადში წამოსულიყვნენ და პარლამენტთან მისი გათავისუფლების მოთხოვნით, მასშტაბური აქცია გაემართათ, ისლამაბადში შესვლა-გამოსვლა გასული შაბათის შემდეგ, აკრძალულია.
რა ხდება?
კვირას, დედაქალაქისკენ სატრანსპორტო საშუალების კოლონა დაიძრა, რომლებსაც ხანის მხარდამჭერები გადაჰყავდათ. ორშაბათს, მომიტინგეები პოლიციას დაუპირისპირდნენ. პოლიციამ ცრემლსადენი გაზი გამოიყენა და გზები დიდი ზომის ავტოტრანსპორტით ჩახერგა.
რამდენიმე ლოკაციაზე, ქალაქში გაჩნდა ხანძრის კერები. Reuters-ის ცნობით, დაიწვა პოლიციის 22 მანქანა. რამდენიმე წყარომ CNN-ს განუცხადა, რომ საპროტესტო აქციების დროს მათ მანქანა დაეჯახა.
პაკისტანის შინაგან საქმეთა მინისტრმა განაცხადა, რომ უსაფრთხოების ძალები ამჟამად ვითარებას აკონტროლებენ. მისი თქმით, დაშავებულია რამდენიმე პოლიციელი.
რას აპროტესტებენ მომიტინგეები?
ქუჩაში გამოსული ხალხი ქვეყნის ყოფილი პრემიერის, ხანის გათავისუფლებას ითხოვენ. ისინი თვლიან რომ ხანი პოლიტიკური პატიმარია.
მათ ასევე სურთ გააუქმონ ახალი საკონსტიტუციო ცვლილება, რომელიც გაზრდის მთავრობის უფლებამოსილებას უმაღლესი სასამართლოს მოსამართლეების არჩევისას.
ხანის მხარდამჭერები ასევე თვლიან, რომ თებერვლის არჩევნები არ იყო სამართლიანი.
ცნობისთვის, 72 წლის იმრან ხანი 2023 წლის აგვისტოდან ციხეში იმყოფება და მის წინააღმდეგ 150-ზე მეტი სისხლის სამართლის საქმეა აღძრული. მათ შორის, ტერორიზმისა და კორუფციის ბრალდებით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისრაელმა ირანზე მასშტაბური დარტყმები განახორციელა: განადგურებულია ბირთვულ იარაღი, დაიღუპნენ სამხედრო მეთაურები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
