წითელ ზღვაში ტურისტული გემი ჩაიძირა: დაკარგულია 17 ადამიანი - რა დეტალები ხდება ცნობილი

წითელ ზღვაში ტურისტული გემი ჩაიძირა - ეგვიპტის ხელისუფლების განცხადებით, დაკარგულია 17 ადამიანი. მაშველებმა ამ დროისთვის 28 მგზავრის გადარჩენა მოახერხეს. გემზე 31 ტურისტი და ეკიპაჟი 14 წევრი იმყოფებოდა.

გენერალ-მაიორმა ამრ ჰანაფიმ თქვა, რომ გადარჩენილები ვადი ელ-გემალის რაიონში, მარსა ალამიდან სამხრეთით იპოვეს. ყველა მათგანი სამედიცინო დახმარებას საჭიროებდა. მისივე განცხადებით, სამაშველო პროცესში ეგვიპტის სამხედრო-საზღვაო ძალების ხომალდი El Fateh და სამხედრო თვითმფრინავები ჩაერთნენ.

მარსა ალამის ადგილობრივი საბჭოს თანახმად, Sea Story-ის ეკიპაჟის ყველა წევრი ეგვიპტელია. ტურისტებს შორის არიან ბრიტანეთის, ესპანეთის, გერმანიის, აშშ-ის, სლოვაკეთის, შვეიცარიის, ბელგიის, პოლონეთის, ნორვეგიის, ირლანდიის, ფინეთის და ჩინეთის მოქალაქეები.

მარსა ალამი ტურისტებისთვის პოპულარული ადგილია ეგვიპტის წითელი ზღვის სამხრეთ სანაპიროზე. გემის მფლობელ კომპანიას მომხდართან დაკავშირებით ჯერჯერობით კომენტარი არ გაუკეთებია.

წყარო