ვიქტორ სანიკიძის ვაჟი ბერა ივანიშვილმა და განათლების ყოფილმა მინისტრმა მონათლეს - ულამაზესი ტორტი, განსაკუთრებული ზეიმი და ნანუკა გუდავაძის სადა იმიჯი: კადრები ლურჯი მონასტრიდან

“ქართული ოცნების" დეპუტატმა, კალათბურთელმა ვიქტორ სანიკიძემ უმცროსი ვაჟი - სანი სანიკიძე მონათლა.

“სანის ნათლობა“, - წერს ვიქტორ სანიკიძის მეუღლე, მაიკო ბიწაძე და ლურჯ მონასტერში გადაღებულ ფოტო/ვიდეო კდრებს ავრცელებს.

ბერა ნათლობაზე მეუღლესთან - ნანუკა გუდავაძესთან ერთად მივიდა. მათ წყვილი განსაკუთრებულად ელოდებოდა.

სანის ნათლიები “ქართული ოცნების” საპატიო თავმჯდომარის ბიძინა ივანიშვილის ვაჟი, ბერა ივანიშვილი და განათლების, მეცნიერებისა და ახალგაზრდობის ყოფილი მინისტრი, გიორგი ამილახვარი არიან.

წყვილმა, ნათლობისთვის საგანგებოდ ულამაზესი ტორტი დაამზადებინა.

წყვილს ორი ვაჟი ჰყავს.

თავად რეპერ ბერა ივანიშვილს რამდენიმე ნათლული ჰყავს, მისი ნათლულები არიან კახი კალაძის უფროსი ვაჟი ლევანიკო და ირაკლი ღარიბაშვილის მესამე ვაჟი გაბრიელი. პატარა ლევანიკო 2011 წელს გაქრისტიანდა, პრემიერ-მინისტრის ვაჟი კი 2015 წლის აგვისტოში მოინათლა. ბერა ივანიშვილის ნათლულია ჯანდაცვის მინისტრის ეკატერინე ტიკარაძის უმცროსი ქალიშვილი ანასტასია კაკაბაძეც.

ბერა ივანიშვილის ვაჟის ბერუკას ნათლიები კი პატრიარქი ილია მეორე და რეპერი ამიკო ჯანელიძე არიან.

იხილეთ ასევე:

• "კალათბურთზე ცოტა დაგვიანებით შევედი, სიმაღლე არ მიწყობდა ხელს“ - ვიქტორ სანიკიძე ოჯახზე, სპორტსა და პოლიტიკაში მოსვლაზე?