ნორვეგიის სამეფო ოჯახის გარშემო სკანდალი არ წყდება - ქვეყნის პრინცესას 27 წლის ვაჟს სექსუალურ ძალადობაში კიდევ ერთი ქალი ადანაშაულებს
ნორვეგიის პრინცესას მეტე-მარიტის 27 წლის ვაჟი სექსუალურ ძალადობაში კიდევ ერთმა ქალმა დაადანაშაულა მსგავსი ბრალდებებით დაკავებიდან რამდენიმე დღეში.
ოთხშაბათს ოსლოს რაიონულ სასამართლომ პროკურორ ანდრეას კრუშევსკის მოთხოვნით, მარიუს ბორგ ჰოიბი პატიმრობაში დატოვა, რადგან მას მეორე სავარაუდო გაუპატიურებაში სდებენ ბრალს.
პოლიციამ განაცხადა, რომ ისინი საფუძვლიანად იძიებენ მეორე ინციდენტს.
"საქმე შეეხება სექსუალურ აქტივობას ქალთან, რომელსაც არ შეეძლო წინააღმდეგობის გაწევა. ეს ნიშნავს, რომ ჩვენ ახლა ვიძიებთ გაუპატიურების ორ საქმეს, რომელშიც მარიუს ბორგ ჰოიბი მონაწილეობს“, - დასძინა პოლიციამ.
ნორვეგიის სისხლის სამართლის კოდექსის თანახმად, სექსუალური ძალადობა 10 წლით თავისუფლების აღკვეთას ითვალისწინებს.
ჰოიბის ადვოკატის, ოივინდ ბრატლიენის თქმით, მისი კლიენტი აღიარებს, რომ მის ბოლო შეყვარებულზე ფიზიკურად იძალადა, რაც შეეხება გაუპატიურების ფაქტს, ის თავს დამნაშავედ არ ცნობს.
”სხვა გარემოებებთან დაკავშირებით, ის არ აღიარებს სისხლის სამართლის დანაშაულს,” - თქვა ბრატლიენმა.
აღსანიშნავია, რომ მარიუსი ამჟამად პრინცესა მეტე-მარიტის ნორვეგიის ტახტის მემკვიდრეზე ქორწინებამდე შეეძინა, ის პრინცმა ჰაკონმა იშვილა. თუმცა ახალგაზრდას სამეფო ტიტული არ აქვს.
ნორვეგიის პრინცმა ჰაკონმა ქვეყნის საზოგადოებრივ მაუწყებელს, NRK-ს განუცხადა, რომ სიტუაცია გავლენას ახდენს სამეფო ოჯახზე:
"ეს არის სერიოზული ბრალდებები მარიუსის წინააღმდეგ. რა თქმა უნდა, ვფიქრობთ ყველა დაზარალებულზე“, - თქვა მან.
იხილეთ ასევე: