თანამედროვე სასტუმრო ათონის მთაზე, მასაჟის სერვისებითა და რესტორნით - რა ეღირება და ვის შეუძლია სტუმრობა?
ათონის მთაზე, რომელიც ცნობილია როგორც რელიგიური თაყვანისცემის ადგილი და სადაც მდებარეობს დამოუკიდებელი სამონასტრო სახელმწიფო, პირველად გაიხსნა სასტუმრო, რომელიც თანამედროვე ტურისტულ სტანდარტებს აკმაყოფილებს.
- სასტუმრო კარეში – ათონის მთის დედაქალაქში – მდებარეობს. სტუმრებს იქ შესაძლებლობა ექნებათ ისარგებლონ მასაჟის სერვისებითა და რესტორნით, რითაც ის სხვა ტურისტული კურორტების სასტუმროების მსგავსი იქნება.
ინფორმაცია ამის შესახებ გაავრცელა გადაცემამ „პროსინო სუსუ“. გადაცემის სტუმარმა, ანდრეას კარაიანისმა, აღნიშნა, რომ ეს პროექტი განხორციელდა ერთ-ერთი მონასტრის მიერ ტერიტორიის გადაცემის შედეგად და სასტუმრო ახლა ცნობილ ქსელს ეკუთვნის.
"სასტუმრო შეიქმნა რელიგიური ტურიზმის განვითარების ფარგლებში. იქ დასვენებისთვის აუცილებელია სპეციალური ნებართვა და ვიზიტორები აუცილებლად უნდა იყვნენ მამაკაცები,“ – განაცხადა ანდრეას კარაიანისმა.
ფასების მხრივ, სასტუმროში ერთი ღამის დარჩენა 40 ევრო ღირს.