"არსებული სიტუაცია ნებისმიერ მომენტში შეიძლება ყველაზე დამანგრეველ თერმობირთვულ ომში გადაიზარდოს" - კიმ ჩენ ინი
კორეის ნახევარკუნძულზე არსებულმა რთულმა ვითარებამ შეიძლება ყველაზე დამანგრეველი თერმობირთვული ომი გამოიწვიოს, - მედიის ინფორმაციით, ამის შესახებ ჩრდილოეთ კორეის ლიდერმა, კიმ ჩენ ინმა განაცხადა.
- "არასოდეს ყოფილან კორეის ნახევარკუნძულზე კონფლიქტის მხარეები ასეთ საშიშ და მწვავე დაპირისპირებაში, ისეთ სიტუაციაში, რომელიც ნებისმიერ მომენტში შეიძლება გადაიზარდოს ყველაზე დამანგრეველ თერმობირთვულ ომში“, - განაცხადა კიმ ჩენ ინმა.
მისი თქმით, შეერთებულ შტატებთან მოლაპარაკებებმა მხოლოდ დაარწმუნა კორეის სახალხო დემოკრატიული რესპუბლიკა, რომ ვაშინგტონის მტრული პოლიტიკა არ შეიცვლება.