28
მარტიდღის ზოგადი ასტროლოგიური პროგნოზი
უკრაინამ პირველად დაბომბა რუსული ტერიტორია ბრიტანული Storm Shadow რაკეტებით. ამის შესახებ ინფორმაციას გამოცემა Bloomberg ერთ-ერთი დასავლური ქვეყნის მაღალჩინოსანზე დაყრდნობით ავრცელებს.
- გამოცემა არ აკონკრეტებს როდის და კონკრეტულად სად დაბომბა უკრაინამ სამიზნეები ბრიტანული წარმოების Storm Shadow რაკეტებით, თუმცა 20 ნოემბერს რუსული წყაროები ინფორმაციას ავრცელებდნენ, რომ უკრაინამ აღნიშნული რაკეტები კურსკის ოლქში გამოიყენა.
რუსეთის ტერიტორიაზე აღნიშნული რაკეტების პირველად გამოყენების შესახებ ინფორმაციას გამოცემა The Guardian-იც ავრცელებს, რომელმაც კურსკის ოლქიდან რაკეტის ფრაგმენტების ფოტოები გააანალიზა.
დიდი ბრიტანეთის პრემიერ-მინისტრის ადმინისტრაციაში განაცხადეს, რომ რუსეთის ტერიტორიაზე არსებული სამიზნეების წინააღმდეგ Storm Shadow რაკეტების პოტენციალური გამოყენების შესახებ ცნობებზე კომენტარს არ გააკეთებენ.
- ცნობისთვის, 19 ნოემბერს ამერიკული CNN ასევე ავრცელებდა ცნობებს უკრაინის მიერ ამერიკული წარმოების ATACMS რაკეტებით რუსეთის ტერიტორიის პირველად დაბომბვის შესახებ.
რას წარმოადგენს Storm Shadow-ს ტიპის ფრთოსანი რაკეტა, რომელიც რუსული საჰაერო თავდაცვის კოშმარად შეიძლება იქცეს?
Storm Shadow - ფრანგულ-ბრიტანული "ჰაერი-მიწის“ ტიპის ავიაციური ფრთოსანი რაკეტაა.
მისი მოქმედების არეალი 500 კმ-მდეა, თუმცა საექსპორტო ვერსია - SCALP EG (რომელსაც უკრაინას გადასცემენ) 250-300კმ-ზე მოქმედებს. ეს ცოტა ნაკლებია, ვიდრე ამერიკული "ხმელეთი-ხმელეთის“ ტიპის ტაქტიკური სარაკეტო სისტემა ATACMS-ის მოქმედების არეალი, თუმცა სავსებით საკმარისია, რომ სიღრმეში სამიზნეები გაანადგუროს.
აღსანიშნავია, რომ თვეების წინ CNN-ზე დასავლელმა საჯარო პირმა, რომელმაც საკუთარი ვინაობის გასაჯაროება არ ისურვა, განაცხადა, რომ იარაღი უკრაინას იმ პირობით გადაეცემა, თუ ისინი რაკეტას საკუთარ ტერიტორიაზე გამოიყენებენ და არა რუსეთის. ეს იმას ნიშნავს, რომ უკრაინელები ყირიმში რუსულ აეროდრომებს უპრობლემოდ მიწვდებიან, რაც აქამდე იშვიათად გამოსდიოდათ. საცეცხლე არეალში ხვდება ქერჩის ხიდიც.
კიდევ ერთი უპირატესობა, რაც Storm Shadow-ს აქვს მისი უნივერსალურობაა. გამოყენება შესაძლებელია დღე-ღამის ნებისმიერ მონაკვეთში და რთულ მეტეო პირობებშიც.
საინტერესოა ასევე ისიც, თუ რომელი თვითმფრინავი იქნება "შტორმის“ მატარებელი. ასეთი რაკეტები შეთავსებადია Tornado, Rafale, Mirage 2000 და Eurofighter Typhoon-ისთვის. თუმცა დიდი ალბათობით უკრაინელები მას მოდერნიზირებულ სუ-24-ზე გამოიყენებენ.
სხვათა შორის საბჭოური თვითმფრინავების თანამედროვე იარაღით აჭურვის პრაქტიკა უკვე არსებობს. მაგალითად, "კუსტარული“ მეთოდებით AGM-88 HARM მიგ 29-ებზე დაამაგრეს და საკმაოდ ეფექტიანადაც გამოიყენეს.
თამამად შეგვიძლია ვთქვათ, რომ Storm Shadow რუსული საჰაერო თავდაცვისთვის კოშმარი იქნება. უკრაინული კონტრშეტევის ნიადაგსაც მოამზადებს და ოკუპანტების ნაქებ ტექნიკას და მომარაგების პუნქტებს გაანადგურებს.
წაიკითხეთ ასევე:
