იტალიურ სოფელში არჩევნებით უკმაყოფილო ამერიკელებს 1-დოლარიან სახლებს სთავაზობენ - "დროა, დაიწყოთ თქვენი ევროპული ცხოვრება"
იტალიური სოფელი არჩევნების შედეგებით უკმაყოფილო ამერიკელებს 1 დოლარიან სახლებს სთავაზობს - სოფელი ოლოლაი კუნძულ სარდინიაზე მდებარეობს. მთავრობა უკვე წლებია ცდილობს დეპოპულაციის მოგვარებას და ადგილზე ხალხის დასახლებას. სახლები იქ სულ რაღაც 1 დოლარად იყიდება.
- 5 ნოემბრის კენჭისყრის შედეგების შემდეგ, გაიხსნა ვებგვერდი, რომელიც მიმართული იყო ამერიკელი ემიგრანტებისთვის. იგი არჩევნების შედეგებით შეწუხებულ ამერიკელებს იაფ გამოსავალს სთავაზობს.
"გაწუხებთ გლობალური პოლიტიკა? ეძებთ უფრო დაბალანსებულ ცხოვრების წესს და ახალ შესაძლებლობებს? დროა დაიწყოთ თქვენი ევროპული ცხოვრება სარდინიის განსაცვიფრებელ სამოთხეში" - ვკითხულობთ განცხადებაში.
მერი ფრანჩესკო კოლუმბუ ამბობს, რომ ვებგვერდი სპეციალურად შეიქმნა ამერიკელი ამომრჩევლების მოსაზიდად საპრეზიდენტო არჩევნების შემდეგ.
”ძალიან გვინდა ყურადღებას გავამახვილებთ ამერიკელებზე”, - ამბობს ის - "რა თქმა უნდა, ჩვენ არ შეგვიძლია ავუკრძალოთ სხვა ქვეყნებიდან ჩამოსულ ადამიანებს განაცხადის შემოტანა, თუმცა პრიორიტეტი მაინც ამერიკელებს მიენიჭებათ". მისივე თქმით, ვებ-გვერდზე მალე აიტვირთება ხელმისაწვდომი ქონების ფოტოები.
- "სოფელი ნახევრად ცარიელია, ჩვენ ჯერ კიდევ გვაქვს 100-მდე დაუსახლებელი იაფი სახლი გასაყიდად. მალე ინტერნეტში ფოტოებსაც განვათავსებთ".
შენობების უმეტესობა მდებარეობს ისტორიულ ცენტრში და სხვადასხვა ზომისაა. ეს არის ფერმერთა და მწყემსების ულამაზესი სახლები, რომლებიც დამზადებულია ადგილობრივი გრანიტის კლდეებისგან. ზოგიერთი საკუთრება აღჭურვილია თანამედროვე კომფორტით.
არ არსებობს დემოგრაფიული მოთხოვნები აშშ-ის აპლიკანტებისთვის; ეს შეიძლება იყოს ყველა ასაკის ადამიანი, პენსიონერები ან მეწარმეები, რომლებსაც სურთ სოფელში მცირე ბიზნესის გახსნა.
გასულ საუკუნეში ოლოლაის მოსახლეობა 2250-დან 1300-მდე შემცირდა, ყოველწლიურად მხოლოდ რამდენიმე ბავშვი იბადება. ბევრმა ოჯახმა დატოვა სოფელი მძიმე ეკონომიკურ პერიოდში, სამუშაოსა და უკეთესი ცხოვრების საძიებლად. ბოლო რამდენიმე წლის განმავლობაში, მოსახლეობა 1,150 მოსახლემდე შემცირდა.
წაიკითხეთ ასევე: