მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
ოთხშაბათი, მთვარის ოცდამეოთხე დღე დაიწყება 03:14, მთვარე თევზებშია - კარგია ახალი, მნიშვნელოვანი საქმეების დაწყება. ფინანსური საკითხების მოგვარება. ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. არ გირჩევთ ოპერაციის ჩატარებას ღვიძლზე, ფეხებზე. კარგია ტერფების მასაჟი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვის შეეხება მასობრივი დეპორტაცია და რა უნდა გაითვალისწინონ აშშ-ში მცხოვრებმა ქართველებმა - დიდი მოლოდინი ტრამპის საემიგრაციო პოლიტიკაზე: "გაურკვევლობა ყველას აშინებს"
09:31 / 22-11-2024
6 ნოემბერს აშშ-ში საპრეზიდენტო რბოლა ორ ძირითად კანდიდატს - დონალდ ტრამპსა და კამალა ჰარისს შორის, ტრამპის გამარჯვებით დასრულდა.
ხმების დათვლას თან მსოფლიო მღელვარება, ამომრჩეველთა ცრემლები, გამარჯვების შეძახილები და ჰარისის მომხრეთა იმედგაცრუება ახლდა თან. მათ შორის ყველაზე დამწუხრებულები იყვნენ აშშ-ში მცხოვრები უსაბუთო მიგრანტები, რომლებიც ამ კუთხით, ტრამპის მკაცრი პოლიტიკის გატარებას ელოდებიან.
ტრამპის წინასაარჩევნო დაპირების თანახმად, ქვეყნიდან 1 მილიონი მიგრანტის დეპორტაცია იგეგმება.
როგორც მედია წერს, ტრამპი გეგმავს გამოიყენოს 1798 წლის ომის დროინდელი დებულება, რომელიც ცნობილია როგორც უცხო მტრების აქტი, რათა სწრაფად მოხდეს სავარაუდო ბანდის წევრების დეპორტაცია, ქმედება, რომელიც, სავარაუდოდ, გასაჩივრდება სასამართლოში. ცოტა ხნის წინ კი მან დაადასტურა, რომ მასობრივი დეპორტაციისთვის სამხედროებს გამოიყენებს.
რისკის ქვეშ არიან აშშ-ში არალეგალურად მყოფი ქართველი ემიგრანტებიც.
“საზღვრის მეფედ“ წოდებულმა, ტომ ჰომანმა, რომელიც ტრამპმა შეერთებული შტატების იმიგრაციისა და საბაჟო აღსრულების დირექტორის მოვალეობის შემსრულებლის პოსტზე წარადგინა, მთელი რიგი ღონისძიებები დააანონსა.
როგორც ცნობილია, პირველ რიგში “დიდ წმენდაში“ მოჰყვებიან კრიმინალური ქეისის მქონე არალეგალი მიგრანტები. თუმცა, ადმინისტრაციის ოფიციალურად დამტკიცებამდე, უცნობია, საბოლოო ჯამში კონკრეტულად რა სახის ღონისძიებები გატარდება.
აშშ-ში მცხოვრები ქართველი იურისტის, მარიტა მაზანიშვილის თქმით, ქართველ მიგრანტებს ჯერ კიდევ აქვთ დრო მიმართონ იურისტებს, მოაწესრიგონ საბუთები და თავიდან აიცილონ დეპორტაციის რისკი.
მარიტა მაზანიშვილი ამერიკის სამართლის სისტემას სწავლობს. ნიუ-იორკში საემიგრაციო კუთხით მუშაობს და ქართველ ემიგრანტებს ბიუროკრატიულ “ჯუნგლებში“ გზის გაკვალვაში ეხმარება.
საემიგრაციო სასამართლოს თარჯიმანი AMBEBI.GE-ს მოლოდინებზე და იმ განწყობებზე ესაუბრა, რომელიც აშშ-ში მცხოვრებ ქართველ ემიგრანტებს აქვთ.
- როგორია აშშ-ში მცხოვრები ქართველების განწყობა-მოლოდინები ტრამპის მოსალოდნელ პოლიტიკასთან დაკავშირებით?
- მოსალოდნელ საემიგრაციო პოლიტიკასთან დაკავშირებით ქართველების უმრავლესობას ნეგატიური მოლოდინები აქვს. ზუსტად არავინ იცის რა ცვლილებები შევა ძალაში და ეს გაურკვევლობა ყველას აშინებს.
ახალი ადმინისტრაცია საემიგრაციო პოლიტიკის გამკაცრებას გეგმავს, რაც გავრცელებული ინფორმაციის მიხედვით, სავარაუდოდ, მოიცავს, პირველ რიგში, კრიმინალური ისტორიის მქონე ადამიანების დაჩქარებულ დეპორტაციას და ასევე, იმ ადამიანების დეპორტაციას, რომელთა წინააღმდეგაც უკვე არსებობს სასამართლოს მიერ გამოცემული დეპორტის გადაწყვეტილება, რომელიც პრაქტიკაში არ აღსრულებულა.
ახალი ადმინისტრაცია 20 იანვარს იწყებს საქმიანობას. ყველა ელოდება ამ თარიღს, რომ ვიცოდეთ როდიდანაც დაიწყება ახალი საემიგრაციო პოლიტიკის ამოქმედება.
- რას ურჩევდით მანდ მყოფ ქართველ მიგრანტებს... რა შეუძლიათ გააკეთონ, რომ თავიდან აიცილონ დეპორტაცია?
- ზოგადად, ყველა ემიგრანტს რომელიც იმყოფება ამერიკაში და ჯერ არ დაუწყია საემიგრაციო პროცესი სამართლებრივი კუთხით. თავშესაფრის მაძიებლებს, რომლებსაც ჯერ არ მოუთხოვიათ თავშესაფარი, ვურჩევდი რომ კონსულტაცია გაიარონ კვალიფიციურ ადვოკატთან და მიიღონ შესაბამისი იურიდიული მომსახურება.
არსებული საემიგრაციო პოლიტიკის პირობებში, თავშესაფრის მაძიებელს ენიშნება სასამართლო პროცესი, სადაც აქვს უფლება რომ მოსამართლისა და პროკურორის წინაშე, ადვოკატის დახმარებით დაიცვას თავისი პოზიცია მტკიცებულებებზე დაყრდნობით და მიიღოს თავშესაფარი ამერიკის სახელმწიფოსგან.
როგორც უკვე ვთქვი, დაზუსტებით არაა ცნობილი თუ რა ცვლილებები შევა საემიგრაციო პროცედურებში. თუმცა სწორი იურიდიული რჩევების, ინფორმაციისა და მომსახურების მიღება გამოცდილი ადვოკატისგან ძალიან მნიშვნელოვანია იმისთვის რომ დაიცვან თავისი უფლებები და მოსალოდნელ დაჩქარებულ დეპორტაციებს თუ სხვა შეზღუდვებს, თავი აარიდონ.
ჩვენს იურიდიულ კომპანიაში ყველა საემიგრაციო მიმართულებით ვმუშაობთ, მათ შორის ოჯახის გაერთიანების, სამუშაო, სასწავლო, თავშესაფრის და ა.შ
- რა არის პირველი აუცილებელი ნაბიჯები, რომელიც არალეგალმა მიგრანტმა აშშ-ში ჩასვლისთანავე უნდა გადადგას?
- პირველ რიგში, აუცილებელია სწორი და სიღრმისეული ინფორმაცია იმის შესახებ თუ რა პროცედურების გავლა მოუწევს საემიგრაციო კუთხით; ყველას ვურჩევ წინასწარ გაიაროს კონსულტაცია კვალიფიციურ ადვოკატთან, რომ გაერკვეს პროცესში; მიიღოს რაც შეიძლება მეტი ინფორმაცია იმაზე თუ რა ფინანსურ ხარჯებთანაა დაკავშირებული იურიდიული და სხვა მომსახურებების მიღება. რა არის ამერიკაში საცხოვრებელი ხარჯები და ა.შ
ასევე, კარგი იქნება თუ გადახედავს სხვა ადამიანების გამოცდილებებს ამერიკაში ცხოვრებასთან და მუშაობასთან დაკავშირებით.
ჩემი აზრით, რაც უფრო გათვითცნობიერებული და ინფორმირებული იქნება ადამიანი ჩამოსვლამდე, მით უფრო გაუადვილდება ადაპტაცია და საკუთარი თავის რეალიზება ახალ ქვეყანაში.
იხილეთ ასევე:
- "საკონცენტრაციო ბანაკების აშენებას არ ვაპირებ" - ვინ არის აშშ-ის “საზღვრების მეფე“, რომელიც, ტრამპის თქმით, არალეგალთა დეპორტაციაზე იქნება პასუხისმგებელი?
- "ქორები" ტრამპის მომავალ ადმინისტრაციაში: რას უნდა ველოდოთ აშშ-ს საკვანძო თანამდებობებზე დასახელებული ადამიანებისგან: "რუსეთი უკმაყოფილოა წარმოდგენილი ფიგურებით"
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
პირველებმა ბექა ონიანზე სასტიკი ანგარიშსწორების პირველი კადრები მოიპოვა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ლანძღვა გინების კორიანტელი არ წყდება 😡
იაფ მუშახელს არ შეეხებიან ბიზნესი , ბიზნესია. ტრამპიც კაი პოპულისტია.