"ჩავრთე ტელევიზორი და კადრში ვნახე, რომ ჩემს შვილს იჭერს პოლიცია..." - რას ჰყვება ნიკა ქავთარაძე

მსახიობი, იუმორისტი ნიკა ქავთარაძე, მელიქიშვილის გამზირზე მიმდინარე აქციას შეუერთდა. მისი თქმით, აქციაზე მისი ოჯახის წევრებიც იმყოფებიან და ამბობს, რომ ახალგაზრდების პროტესტი გადამდებია და აუცილებლად გამარჯვებით დასრულდება.

"დილით ადრე უნდა მოვსულიყავი აქციაზე, ჩავრთე ტელევიზორი, და კადრში ვნახე, რომ ჩემს შვილს იჭერს პოლიცია. ასე დაიწყო ჩემი დღევანდელი დღე. არცერთი მამისთვის არ არის ეს სასიამოვნო, მაგრამ 20 წლის ადამიანი ასე იბრძვის თავისი ქვეყნისთვის. იმდენად გადამდებია ეს, დედაჩემი, მე და ჩემი შვილები, გავერთიანდით სულ ყველა, მთავარი პრობლემის წინაშე და ყველა აქ ვართ.

არ ვიცი რა ნიშნები სჭირდებათ ადამიანებს კონკრეტული - რუსეთის დროშა სახლზე, რუსი პოლიტიკოსი სავარძელში, თუ რა. ყველაფერი არის იმის ნიშნად, რომ რუსეთი ცდილობს ქვეყანა წაგვართვას. ყველაფერი გავაკეთეთ საზოგადოებამ, წავედით არჩევნებზე და მილიონამდე ადამიანმა აირჩია პროდასავლური ოპოზიცია. თუმცა ჩვენ ოპოზიცია არ გვყავს ძველი ფორმით, ჩვენ გვყავს ოთხი არჩეული პროდასავლური გაერთიანება. ახალ რეალობაში ვართ", - განაცხადა ნიკა ქავთარაძემ.

წაიკითხეთ ასევე:

• რა ვითარებაა თსუ-თან, სადაც ცოტა ხნის წინ მომიტინგეებმა კარვები გაშალეს - ცნობილია ოპოზიციის გეგმაც (ფოტო, ვიდეო)