სკანდალი ნორვეგიის პრინცესას ოჯახში: მეტე-მარიტის 27 წლის შვილი გაუპატიურების ბრალდებით დააკავეს - რას წერს მედია?
ნორვეგიის პრინცესას, მეტე-მარიტის 27 წლის შვილი, მარიუს ბორგ ჰოიბი, გაუპატიურების ბრალდებით დააკავეს. სავარაუდო მსხვერპლი 20 წლამდე ქალია - ინფორმაცია ნორვეგიის პოლიციამ სამშაბათს გამოაქვეყნა.
- ჰოიბის წინასწარი ბრალდება ეხება "სექსუალური ურთიერთობის დამყარებას ადამიანთან, რომელიც არაცნობიერ მდგომარეობაშია ან სხვა მიზეზების გამო წინააღმდეგობის გაწევა არ შეუძლია".
პოლიციამ განაცხადა, რომ ჰოიბი ორშაბათს გვიან ღამით დააკავეს. მისმა ადვოკატმა ნორვეგიის საზოგადოებრივ მაუწყებელს NRK-ს განუცხადა, რომ დაკავებული ბრალდებას უარყოფს. პოლიციამ განაცხადა, რომ დაკავების დროს ის მანქანაში იმყოფებოდა შეყვარებულთან ერთად.
- მანამდე მას რამდენიმე დამატებითი წინასწარი ბრალდება წაუყენეს, მათ შორის რამდენიმე შემაკავებელი ორდერის დარღვევა და მართვის მოწმობის გარეშე მართვა.
ნორვეგიის პრინცესას შვილს ჯამში ხუთი ცალკეული ადამიანის, ოთხი ქალისა და ერთი კაცის, მიმართ სხვადასხვა დანაშაულების ჩადენა ედება ბრალად. ადგილობრივი მედიის თანახმად, ჰოიბის მის სავარაუდო მსხვერპლებს შორის სამ ქალთან ურთიერთობა ჰქონდა და სამივეს წინააღმდეგ ძალადობა ედება ბრალად.