"ჰო, ვტირი, ბევრს ვტირი... სიკვდილზე სულ უფრო ხშირად მეფიქრება" - ნიკოლ კიდმანის გულწრფელი აღიარება

ჰოლივუდის ვარსკვლავის ნიკოლ კიდმანის თქმით, ბოლო დროს ხშირად ტირის და ღამით ხშირად ეღვიძება სიკვდილზე ფიქრით. ამ თემაზე მან The Guardian-თან ინტერვიუში ისაუბრა.

"სიკვდილი. მშობლების დაკარგვა, შვილების აღზრდა, ქორწინება და ყველაფერი, რაც ხელს უწყობს შენს სრულყოფილ ადამიანად ქცევას - ამაზე ყოველთვის მეფიქრება. ასაკის მატებასთან ერთად ასეთ თემებზე სულ უფრო ხშირად ვფიქრობ და ყველაფერი ძალიან სევდიანია", - ამბობს ნიკოლ კიდმანი, რომელიც 57 წლისაა.

მსახიობის თქმით, ის ხშირად ტირის, მაგრამ ცდილობს, რომ "ამას თავი დააღწიოს". ჟურნალისტმა ჰკითხა, თუ რის გამო იტირა ბოლოს, რაზეც ნიკოლის პასუხი ასეთი იყო:

• ”ეს ძალიან პირადულია. მაგრამ ჰო, ვტირი, ბევრს ვტირი, თუმცა ვცდილობ ამას თავი დავაღწიო",

• მსახიობმა დედის დაკარგვაზეც ისაუბრა და აღნიშნა, რომ ამ ტრაგედიამ ცხოვრების მიმართ დამოკიდებულება შეუცვალა:

"რაც უფორო იზრდები, აცნობიერებ, რომ სულ აქ, შენს შვილებთან ყოფნა გინდა. გსურს, რომ მათ გვერდით იყო, ყველაფერს უყურო..."

ნიკოლმა დედის გარდაცვალების ამბავი იტალიაში, ვენეციის ფესტივალზე ჩასვლიდან რამდენიმე საათში გაიგო.

მსახიობი კინოფესტივალზე ახალ ფილმს, Babygirl-ს წარადგენდა, სადაც საუკეთესო მსახიობის კატეგორიაში გაიმარჯვა, მაგრამ კიდმანის ნაცვლად პრიზი რეჟისორმა ჰალინა რეინმა მიიღო და მსახიობის განცხადება წაიკითხა:

• "დღეს ვენეციაში ჩამოვედი და მალევე გავიგე, რომ დედაჩემი, ჯანელ ენ კიდმანი, გარდაიცვალა. შოკში ვარ და ოჯახთან უნდა წავიდე, მაგრამ ეს ჯილდო მას ეკუთვნის - მან ჩამომაყალიბა, ის ყოველთვის გვერდით მედგა", - აღნიშნავდა წერილში მსახიობი.

ნახეთ ასევე:

• "ვამბობდი, აღარ მინდა მეტი, მძულს ამის კეთება..." - ნიკოლ კიდმანი ეროტიკული დრამის გადაღების სირთულეებზე საუბრობს
• "დედას არ მეძახიან..." - რატომ თქვეს უარი შვილებმა ნიკოლ კიდმანთან ურთიერთობაზე? - მსახიობის პირადი დრამა, ტომ კრუზი და დედის სიკვდილი, რომელმაც ყველაფერი შეცვალა