ერთა ლიგის B1 ჯგუფში, ბოლო ტურის წინ 8 ქულით ლიდერი ჩეხეთია, საქართველო 7 ქულით მეორე ადგილზეა, ამდენივე ქულით და უარესი დამატებითი მაჩვენებლით მესამე პოზიციაზე ალბანეთია, უკრაინა კი 5 ქულით აუტსაიდერია.
19 ნოემბერს ჩეხეთი საქართველოს, ხოლო ალბანეთი უკრაინას უმასპინძლებს.
ჩეხეთს ფრე ხელს არ აძლევს, ვინაიდან თუ ალბანეთმა სახლში უკრაინას სძლია, პირველ ადგილს დაიკავებს, ამიტომ ჩეხებს მიზნის მისაღწევად სახლში ჩვენი გუნდის დამარცხება სჭირდებათ. მოგების შემთხვევაში ჯგუფის გამარჯვებული საქართველოს ნაკრები გამოვა. "ჯვაროსნების" მომავალი მეტოქის მწვრთნელი ივან ჰაშეკი ალბანეთთან თავისი გუნდის თამაშით კმაყოფილია და ოპტიმისტურადაა განწყობილი:
"რა თქმა უნდა, ტირანაში გამარჯვება გვინდოდა, მაგრამ ფრით დაკმაყოფილება მოგვიწია. სამწუხაროდ, როდესაც პირველ ტაიმში უდიდეს უპირატესობას ვფლობდით, რამდენიმე კარგი მომენტები ვერ გამოვიყენეთ. მეტოქეს გოლის გატანის შანსები არ მივეცით, თავსაც საიმედოდ ვიცავდით. ვაცლავ ემელკას გამოვყოფ, რომელიც ფანტასტიკურ ფორმაშია. მან ტომაშ ჰოლეშთან ერთად მეორე სართულზე ყველა ბრძოლა მოიგო. საქართველოსთან დისკვალიფიკაციის გამო ნახევარმცველი ტომაშ სოუჩეკი და თავდამსხმელი ტომაშ ხორი ვერ დაგვეხმარებიან. სოუჩეკის შემცვლელის მოძებნა რთულია, რაღაც ვარიანტები მაქვს და რამეს მოვიფიქრებ. გააგრძელეთ კითხვა
მინერალურ წყლებში ბორჯომი ყოველთვის ჯობდა კარლოვი ვარს. არც ჩეხური ლუდია დიდი არაფერი. წყალწყალა პილზნერი. იქ სადაც ბელგიური, ირლანდიური და ნატახტარია. მაგეების სამეფო - ბოჰემია, არასოდეს ყოფილა სრულად დამოუკიდებელი, საქართველოს სამეფოსგან განსხვავებით. მაგათ ჩვენზე უკეთესი მარტო ბროლის ჭაღები აქვთ და საბავშვო ფილმი "სამი კაკალი კონკიასათვის". ანუ ძირითად კლასტერებში 3:2 ვუგებთ
ჩეხები ეცდებიან რევანშის აღებას!!! რთული თამაში გველის...