თბილისში, ერთ-ერთ ავტოფარეხში აფეთქება მოხდა, დაშავებულია ერთი პირი - რა დეტალები ხდება ცნობილი
თბილისში ისანი-სამგორის რაიონში, ე.წ. მერვე ლეგიონის დასახლებაში ერთ-ერთ ავტოფარეხში აფეთქება მოხდა.
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, შემთხვევის შედეგად ერთი ადამიანი დაშავდა.
მათივე ცნობით, ის სასწრაფო დახმარების ჯგუფმა კონტაქტურ მდგომარეობაში სამედიცინო დაწესებულებაში გადაიყვანა.
“ტვ პირველის“ ინფორმაციით, აფეთქების მიზეზი სავარაუდოდ გაზის გაჟონვაა. აფეთქება იმდენად ძლიერი იყო, რომ დაზიანებულია კორპუსის ფანჯრები და ეზოში გაჩერებული ავტომობილები.
ადგილობრივები "პირველებს" უყვებიან, რომ ძლიერი აფეთქების ხმა გაიგეს. ასევე გაიგეს დაშავებული მამაკაცის ხმა, რომელიც აღნიშნულ ავტოფარეხში ცხოვრობდა. ის დაზიანებების გამო შოკურ მდგომარეობაში იყო. ის სასწრაფო დახმარების ბრიგადამ კლინიკაში ცოტა ხნის წინ გადაიყვანა.