"არასდროს შეწყვიტოთ ბრძოლა, იცოდეთ, რომ ყველაფერი გამოგივათ" - მსოფლიოს ახალი სილამაზის დედოფალი ჰყავს: ვინ გახდა "მის სამყარო 2024" (ფოტოები)

დანიელი მოდელი, "მის დანია", ვიქტორია კიერ თეილვიგი მსოფლიოს ახალი სილამაზის დედოფალია. ვიქტორია "მის სამყარო 2024" გახდა. კონკურსი ამჯერად მექსიკაში გაიმართა და ეს იყო ისტორიაში რიგით 73-ე დაჯილდოება.

• ვიქტორია მოდელის გარდა მოცეკვავეა და ცეკვაში ევროპისა და მსოფლიო ჩემპიონატების მონაწილეა. როგორც მედია წერს, მაყურებელი თავისი გაწონასწორებული ხასიათით და მჭევრმეტყველებით მოხიბლა.

მოდელი პროფესიით ადვოკატიც არის, იცავს ფსიქიკური ჯანმრთელობის პრობლემების მქონე ადამიანების უფლებებს, ასევე არის ცხოველთა უფლებადამცველი. მისი გამარჯვება მაგალითია იმისა, რომ სილამაზე ბევრად მეტია, ვიდრე გარეგნობა და სილამაზე შეიძლება ბევრად უფრო ღრმა ცნება იყოს.

ვიქტორია 21 წლისაა და ასეთ პატარა ასაკში უკვე გახდა მოტივაცია არაერთი ქალისთვის.

"არასდროს შეწყვიტოთ ბრძოლა, რასაც უნდა აკეთებდეთ, მუდამ იბრძოლეთ, იცოდეთ, რომ ყველაფერი გამოგივათ", - ასე მიმართა საზოგადოებას "მის სამყაროს" გამარჯვებულმა.