კოკისპირული წვიმა, ქართველების უპირატესობა... და ავტოგოლი - პირველი ტაიმის შემდეგ საქართველო უკრაინასთან მარცხდება

ერთა ლიგის მეხუთე ტურში საქართველოს ნაკრები უკრაინას მასპინძლობს. პირველი ტაიმის შემდეგ საქართველო უკრაინასთან მარცხდება ანგარიშით 0:1.

მწვრთნელმა ვილი სანიოლმა შემდეგი შემადგენლობით გაიყვანა მოედანზე ჩვენი გუნდი:

• მამარდაშვილი, კაკაბაძე, კაშია, კვირკველია, ლოჩოშვილი, შენგელია, ქოჩორაშვილი, კიტეიშვილი, ჩაკვეტაძე, კვარაცხელია, ზივზივაძე

მატჩი ბათუმის "აჭარაბეთ არენაზე" მიმდინარეობს

თითქმის მთელი დღე წვიმდა ბათუმში, თამაშამდე გადაიღო, თუმცა პირველი ტაიმის დასაწყისში ისევ კოკისპირულად გაწვიმდა.

მატჩი ქართველების შეტევით დაიწყო. ჯერ ბუდუ ზივზივაძის დარტყმული მოიგერია მცველმა, შემდეგ კი "კვარას" საჯარიმოს გარედან გასროლილი ბურთი გაჭირვებით მოიგერია მეკარემ. სამწუხაროდ, ამ შეტევების შემდეგ გოლი ჩვენს კარში გავიდა. სწრაფი კონტრშეტევისას, მე-7 წუთზე, მუდრიკის ჩვენს საჯარიმოში ჩაწოდებული ბურთის მოგერიება კვირკველიამ სცადა, თუმცა ბურთი მამარდაშვილის კარის ბადეში გაეხვა.

მთელი ტაიმის განმავლობაში ქართველები უტევდნენ, თუმცა გოლის გატან ვერ შეძლეს. ტაიმის მიწურულს სტუმრები გააქტიურდნენ, რამდენიმე ეპიზოდში თამაშში ჩვენი კარის დარაჯიც ჩაერთო. საბოლოოდ საქართველოს ნაკრებმა პირველი ტაიმი 0:1 დათმო.

იხილეთ ასევე:

• მიქაუტაძის გოლი და "მამარდას" თავგანწირული თამაში მატჩის მიწურულს - საქართველო-უკრაინა: გამარჯვება ვერ შევძელით, მაგრამ ქულა გადავარჩინეთ