აშშ-ს ახა­ლარ­ჩე­ულ­მა პრე­ზი­დენ­ტმა დო­ნალდ ტრამპმა უკვე და­ა­სა­ხე­ლა რამ­დე­ნი­მე კან­დი­და­ტი, რომ­ლე­ბიც მის ად­მი­ნის­ტრა­ცი­ა­ში და­ი­კა­ვე­ბენ თა­ნამ­დე­ბო­ბებს. რეს­პუბ­ლი­კელ­მა ტრამპმა თავ­დაც­ვის მი­ნის­ტრის პოსტზე ტე­ლე­კომ­პა­ნია Fox News-ის წამ­ყვა­ნი, ყო­ფი­ლი სამ­ხედ­რო პიტ ჰეგ­სე­თი წა­რად­გი­ნა.

ცენ­ტრა­ლუ­რი სა­დაზ­ვერ­ვო სა­ა­გენ­ტოს(CIA) დი­რექ­ტო­რის თა­ნამ­დე­ბო­ბა­ზე კი ჯონ რეტკლი­ფის კან­დი­და­ტუ­რა და­ა­სა­ხე­ლა, რო­მე­ლიც 2020-2021 წლებ­ში ეროვ­ნუ­ლი დაზ­ვერ­ვის სამ­სა­ხურს ხელ­მძღვა­ნე­ლობ­და (2020 წლის საპ­რე­ზი­დენ­ტო არ­ჩევ­ნე­ბის კამ­პა­ნი­ის დროს დე­მოკ­რა­ტე­ბი რეტკლიფს ბრალს სდებ­დნენ ტრამ­პის სა­სარ­გებ­ლოდ სა­ი­დუმ­ლო ინ­ფორ­მა­ცი­ის გა­ცე­მა­ში, პო­ლი­ტი­კუ­რი ოპო­ნენ­ტე­ბის წი­ნა­აღ­მდეგ გა­მო­ყე­ნე­ბის მიზ­ნით). ჰეგ­სე­თის და რეტკლი­ფის კან­დი­და­ტუ­რებს მხა­რი უნდა და­უ­ჭი­როს სე­ნატ­მა, რო­მელ­შიც ნო­ემ­ბრის არ­ჩევ­ნე­ბის შე­დე­გად რეს­პუბ­ლი­კე­ლებ­მა უმ­რავ­ლე­სო­ბა და­იბ­რუ­ნეს. კონ­გრეს­მენ მაიკ უოლცს კი ტრამპმა ეროვ­ნუ­ლი უსაფრ­თხო­ე­ბის სა­კი­თხებ­ში მრჩევ­ლის თა­ნამ­დე­ბო­ბა შეს­თა­ვა­ზა.

ასე­ვე, დო­ნალდ ტრამ­პის გა­და­წყვე­ტი­ლე­ბით შე­იქ­მნე­ბა ახა­ლი, ე.წ. მთავ­რო­ბის ეფექ­ტი­ა­ნო­ბის დე­პარ­ტა­მენ­ტი, რო­მელ­საც უხელ­მძღვა­ნე­ლე­ბენ ტრამ­პის აქ­ტი­უ­რი მხარ­დამ­ჭე­რე­ბი, კომ­პა­ნი­ე­ბის, Tesla-ს და SpaceX-ის მფლო­ბე­ლი, მი­ლი­არ­დე­რი ილონ მას­კი და კონ­სერ­ვა­ტო­რი ბიზ­ნეს­მენი ვი­ვეკ რა­მას­ვა­მი, რო­მე­ლიც 2024 წლის არ­ჩევ­ნებ­ში პრე­ზი­დენ­ტად კენ­ჭისყრას გეგ­მავ­და, თუმ­ცა იან­ვარ­ში უარი თქვა ტრამ­პის სა­სარ­გებ­ლოდ. რო­გორც დო­ნალდ ტრამპმა გა­ნა­ცხა­და, ეს ორი შე­სა­ნიშ­ნა­ვი ამე­რი­კე­ლი გზას გაკ­ვა­ლავს სამ­თავ­რო­ბო ბი­უ­როკ­რა­ტი­ის ლიკ­ვი­და­ცი­ის, ზედ­მე­ტი რე­გუ­ლა­ცი­ე­ბის შემ­ცი­რე­ბი­სა და ფე­დე­რა­ლუ­რი სა­ა­გენ­ტო­ე­ბის რესტრუქ­ტუ­რი­ზა­ცი­ის­კენ.

უკვე ცნო­ბი­ლია, დო­ნალდ ტრამ­პის ად­მი­ნის­ტრა­ცი­ა­ში სა­ხელ­მწი­ფო მდივ­ნის თა­ნამ­დე­ბო­ბას აშშ-ის სე­ნატ­ში ფლო­რი­დის შტა­ტის წარ­მო­მად­გე­ნე­ლი და დაზ­ვერ­ვის კო­მი­ტე­ტის თავ­მჯდო­მა­რის მო­ად­გი­ლე მარ­კო რუ­ბიო და­ი­კა­ვებს, რო­მე­ლიც ჩი­ნე­თი­სა და ირა­ნი­სად­მი მკაც­რი პო­ზი­ცი­ი­თაა ცნო­ბი­ლი.

ასევე დაგაინტერესებთ

10:53 / 13-11-2024

ქალი, რომელიც აშშ-ის და პრეზიდენტის უსაფრთხოებას დაიცავს: დაკოტელი ფერმერის სკანდალური წარსული და შეხვედრა კიმ ჩენ ინთან - ვინ არის კრისტი ნოემი

16:26 / 12-11-2024

"საკონცენტრაციო ბანაკების აშენებას არ ვაპირებ" - ვინ არის აშშ-ის “საზღვრების მეფე“, რომელიც, ტრამპის თქმით, არალეგალთა დეპორტაციაზე იქნება პასუხისმგებელი?

რუ­ბი­ოს ბოლო პე­რი­ო­დის ინ­ტერ­ვი­უ­ებ­ში არა­ერ­თხელ უთ­ქვამს, რომ უკ­რა­ი­ნა­ში ომის დას­რუ­ლე­ბის გზად მი­იჩ­ნევს მო­ლა­პა­რა­კე­ბას, რომ­ლის­თვი­საც კი­ევს უნდა ჰქონ­დეს ზე­მოქ­მე­დე­ბის რაც შე­იძ­ლე­ბა მეტი ბერ­კე­ტი. 2024 წლის თე­ბერ­ვალ­ში ის იყო იმ რეს­პუბ­ლი­კელ სე­ნა­ტო­რებს შო­რის, რომ­ლებ­მაც მხა­რი არ და­უ­ჭი­რეს უკ­რა­ი­ნის­თვის 60 მი­ლი­არ­დი დო­ლა­რის სამ­ხედ­რო დახ­მა­რე­ბის გა­წე­ვას.

მოკ­ლედ, ჰეგ­სე­თიც, უოლ­ციც და რუ­ბი­ოც "რე­ი­გა­ნიზ­მის" აგ­რე­სი­უ­ლი სა­გა­რეო პო­ლი­ტი­კის მიმ­დევ­რე­ბი და ტრა­დი­ცი­უ­ლი რეს­პუბ­ლი­კე­ლი "ქო­რე­ბი" არი­ან. სა­მი­ვე რუ­სე­თის, ჩი­ნე­თი­სა და ირა­ნის მი­მართ მკა­ფი­ოდ გა­მოკ­ვე­თი­ლი მკაც­რი პო­ლი­ტი­კის მომ­ხრეა.

• რას ნიშ­ნავს ამ ადა­მი­ა­ნე­ბის მოს­ვლა საკ­ვან­ძო თა­ნამ­დე­ბო­ბებ­ზე და რა ტი­პის პო­ლი­ტი­კას გა­ა­ტა­რებს ამე­რი­კის ახა­ლი ად­მი­ნის­ტრა­ცია?

ამ სა­კი­თხებ­ზე ambebi.ge-ს სა­ერ­თა­შო­რი­სო ურ­თი­ერ­თო­ბე­ბის სპე­ცი­ა­ლის­ტი გი­ორ­გი კო­ბე­რი­ძე ესა­უბ­რა:

"ჰეგ­სე­თი იყო ძა­ლი­ან მნიშ­ვნე­ლო­ვა­ნი და ცნო­ბი­ლი წამ­ყვა­ნი Fox News-ზე, ამას­თა­ნა­ვე, მას სამ­ხედ­რო გა­მოც­დი­ლე­ბა აქვს მი­ღე­ბუ­ლი და არის მყა­რი კონ­სერ­ვა­ტო­რი. გა­ვიხ­სე­ნებ ჰეგ­სე­თის კო­მენ­ტარს პუ­ტინ­ზე, რო­მე­ლიც იყო ძა­ლი­ან მყა­რი და მკაც­რი, მან თქვა, - არცერთ შემ­თხვე­ვა­ში არ უნდა და­ვუშ­ვათ პუ­ტი­ნის გა­მარ­ჯვე­ბა, წი­ნა­აღ­მდეგ შემ­თხვე­ვა­ში მი­ვი­ღებთ ახალ საბ­ჭო­თა კავ­შირს, რო­მე­ლიც ჩვე­ნი მტე­რი იქ­ნე­ბაო.

ახლა ამე­რი­კა­ში, ვინც წინ წა­მო­ი­წია, მათი უმე­ტე­სო­ბა არის მყა­რი და მკაც­რი პუ­ტი­ნის მო­წი­ნა­აღ­მდე­გე. რა თქმა უნდა, მათი პო­ზი­ცი­ე­ბი მოგ­ვი­ა­ნე­ბით ჩა­მო­ყა­ლიბ­დე­ბა, უფრო ნე­იტ­რა­ლუ­რის­კენ შე­იც­ვა­ლა, რად­გან ამე­რი­კა­ში პო­პუ­ლა­რუ­ლი გახ­და ნე­იტ­რა­ლუ­რი და­მო­კი­დე­ბუ­ლე­ბა რუ­სეთ-უკ­რა­ი­ნის ომი­სად­მი, ცნო­ბი­ლია მათი იზო­ლა­ცი­ო­ნის­ტუ­რი რი­ტო­რი­კაც, მაგ­რამ შეგ­ვიძ­ლია ვთქვათ, რომ ახლა ჯერ გარ­და­მა­ვა­ლი პე­რი­ო­დია და სა­ბო­ლოო ჯამ­ში მათი პო­ზი­ცია რო­გო­რი იქ­ნე­ბა, ამას ალ­ბათ მოგ­ვი­ა­ნე­ბით გა­ვი­გებთ.

ცენ­ტრა­ლუ­რი სა­დაზ­ვერ­ვო სა­ა­გენ­ტოს დი­რექ­ტორ რეტკლიფს რაც შე­ე­ხე­ბა, ამ პერ­სო­ნა დიდ­ხანს უმუ­შა­ვია უსაფრ­თხო­ე­ბის მი­მარ­თუ­ლე­ბა­ზე და მისი გა­მოც­დი­ლე­ბა ძა­ლი­ან მა­ღა­ლია. უკ­რა­ი­ნის ომ­თან მი­მარ­თე­ბით მისი და­მო­კი­დე­ბუ­ლე­ბა არ­სად შემ­ხვედ­რია, ამა­ზე ინ­ფორ­მა­ცია ძა­ლი­ან მწი­რი მაქვს, ამი­ტომ კონ­კრე­ტუ­ლად რო­გო­რი იქ­ნე­ბა მისი ფი­გუ­რა, ამას ვერ გე­ტყვით. ის არ არის პო­ლი­ტი­კუ­რი ფი­გუ­რა და მა­ღა­ლი ალ­ბა­თო­ბით, არა მგო­ნია, მან პო­ლი­ტი­კუ­რი გა­და­წყვე­ტი­ლე­ბე­ბი მი­ი­ღოს.

უოლცს რაც შე­ე­ხე­ბა, სა­ინ­ტე­რე­სოა იმით, რომ ის ბა­ი­დენს დიდი ხნის გან­მავ­ლო­ბა­ში აკ­რი­ტი­კებ­და იმის გამო, რომ პრე­ზი­დენტს ჰქონ­და არა­თან­მიმ­დევ­რუ­ლი პო­ლი­ტი­კა უკ­რა­ი­ნას­თან მი­მარ­თე­ბით. ის თა­ვი­დან, პრაქ­ტი­კუ­ლად, უკ­რა­ი­ნის­თვის გა­მო­ყო­ფი­ლი ყვე­ლა დახ­მა­რე­ბის მხარ­დამ­ჭე­რი იყო, მაგ­რამ ბოლო დახ­მა­რე­ბა­ზე უარი გა­ნა­ცხა­და, უფრო სწო­რად, თქვა, რომ ბა­ი­დე­ნის პო­ლი­ტი­კა ცა­რი­ე­ლი ფუ­ლის გა­ცე­მა­ზე თუა აგე­ბუ­ლი, არას­წო­რი­აო. მისი გან­ცხა­დე­ბა იყო ასე­თი - ომს უნდა უჩან­დეს ბოლო, ომის სტრა­ტე­გი­ას უნდა ჰქონ­დეს თა­ვი­სი ლო­გი­კუ­რი გან­ვი­თა­რე­ბა და არა მხო­ლოდ ფუ­ლის გა­და­ცე­მით ომის ბე­დის გა­და­წყვე­ტის სურ­ვი­ლიო.

ამ ადა­მი­ა­ნის აზ­რით, ამე­რი­კამ ომი უნდა და­ამ­თავ­როს რუ­სე­თის და­მარ­ცხე­ბით, ოღონდ არა ისე, რომ ეს ყვე­ლა­ფე­რი ფულ­ზე გა­დი­ო­დეს, იმი­ტომ რომ ფუ­ლით ომს უკ­რა­ი­ნა ვერ მო­ი­გებს.

ტექ­ნი­კუ­რად რომ შევ­ხე­დოთ, მთლად ცუდი პო­ზი­ცია არაა, ვი­ნა­ი­დან მისი გან­ცხა­დე­ბით, ეს ომი უნდა დას­რულ­დეს უკ­რა­ი­ნის გა­მარ­ჯვე­ბით.

ახლა გა­დამ­წყვე­ტია სა­ხელ­მწი­ფო მდივ­ნის პო­ზი­ცია, რო­მელ­ზეც, ბოლო ინ­ფორ­მა­ცი­ით, მარ­კო რუ­ბი­ოს და­ნიშნვნა, პრაქ­ტი­კუ­ლად, გა­და­წყვე­ტი­ლია. სა­ხელ­მწი­ფო მდივ­ნის ვი­ნა­ო­ბის გა­რე­შე, მხო­ლოდ ნა­ცი­ო­ნა­ლუ­რი უსაფრ­თხო­ე­ბის საკ­ვან­ძო თა­ნამ­დე­ბო­ბე­ბით ვერ შე­იქ­მნე­ბა სუ­რა­თი, თუ რო­გო­რი იქ­ნე­ბა ად­მი­ნის­ტრა­ცი­ის პო­ლი­ტი­კა. სა­ბო­ლო­ოდ ამ პოსტზე მარ­კო რუ­ბიო თუ და­ი­ნიშ­ნა, ძა­ლი­ან კარ­გი იქ­ნე­ბა იმი­ტომ, რომ მის­ნა­ი­რი ფი­გუ­რე­ბი აშშ-ს მხრი­დან ძა­ლი­ან აქ­ტი­ურ სა­გა­რეო პო­ლი­ტი­კას ემ­ხრო­ბი­ან. ასე­თი პო­ლი­ტი­კის მხარ­და­ჭე­რა თუ ბო­ლომ­დე გაგ­რძელ­და, ეს იქ­ნე­ბა დიდი უპი­რა­ტე­სო­ბა ამე­რი­კის იმ მხა­რის­თვის, რო­მე­ლიც იმ პო­ლი­ტი­კას უჭერს მხარს, სა­დაც ძვე­ლი რეს­პუბ­ლი­კე­ლი "ქო­რე­ბი“ იყ­ვნენ, რომ­ლე­ბიც ამ­ბობ­დნენ, რომ სა­გა­რეო პო­ლი­ტი­კა უნდა იყოს ხის­ტი.

მარ­თა­ლია, ეს ფი­გუ­რე­ბი ზო­გა­დად სი­ხის­ტი­თა და სიმ­კაც­რით გა­მო­ირ­ჩე­ვი­ან ირა­ნის, ჩი­ნე­თი­სა და რუ­სე­თის მი­მართ, მაგ­რამ კონ­კრე­ტუ­ლად რა იქ­ნე­ბა, მას შემ­დეგ გა­მოჩ­ნდე­ბა, როცა ყვე­ლა­ნი თა­ნამ­დე­ბო­ბებ­ზე და­ი­ნიშ­ნე­ბი­ან და მუ­შა­ო­ბას და­ი­წყე­ბენ".

რაც შე­ე­ხე­ბა სა­ქარ­თვე­ლო­სად­მი და­მო­კი­დე­ბუ­ლე­ბას, ნა­ცი­ო­ნა­ლუ­რი უსაფრ­თხო­ე­ბის მო­მა­ვა­ლი მრჩე­ველ მაიკ უოლცს, თა­ვის დრო­ზე, სა­ქარ­თვე­ლოს ხე­ლი­სუფ­ლე­ბის მი­მარ­თაც ძალ­ზე მკაც­რი პო­ზი­ცია ჰქონ­და, მაგ­რამ რე­ა­ლუ­რად რა იქ­ნე­ბა თა­ნამ­დე­ბო­ბა­ზე მი­ღე­ბის შემ­დეგ, ეს არ ვი­ცით.

მაგ. უოლ­ცი წლე­ბის წინ ამ­ბობ­და, რომ სა­ქარ­თვე­ლოს ხე­ლი­სუფ­ლე­ბას მეტ-ნაკ­ლე­ბად პრო­რუ­სუ­ლი კურ­სი ეჭი­რა. ახლა სა­ქარ­თვე­ლოს სა­კი­თხიც ძალ­ზე სა­ინ­ტე­რე­სო იქ­ნე­ბა იმი­ტომ, რომ რეს­პუბ­ლი­კუ­რი პარ­ტია სა­ქარ­თვე­ლოს უკეთ იც­ნობს, ვიდ­რე დე­მოკ­რა­ტი­უ­ლი პარ­ტია იც­ნობ­და ოდეს­მე.

თუ ეს შე­მად­გენ­ლო­ბა და­ი­ნიშ­ნა რუ­ბი­ოს ჩათ­ვლით, მათ­გან ველი ძლი­ერ აქ­ტი­ურ სა­გა­რეო პო­ლი­ტი­კას, მათ შო­რის ჩვენ­თან მი­მარ­თე­ბა­ში. რუ­ბი­ოს პო­ლი­ტი­კა ან­ტი­კო­მუ­ნის­ტუ­რია და ამ­ბობს, რომ ყვე­ლა ავ­ტოკ­რა­ტი­უ­ლი რე­ჟი­მი არის საფრ­თხე ამე­რი­კის­თვის. რუ­ბი­ოს­თვის ყვე­ლა ის რე­ჟი­მი, რო­მელ­შიც არ­სე­ბობ­და კო­მუ­ნიზ­მი და სა­დაც დღე­საც კო­მუ­ნიზმს მის­ტი­რის (სა­უ­ბა­რი მაქვს ჩი­ნეთ­სა და რუ­სეთ­ზე), არის ნე­გა­ტი­უ­რი და ცუდ კონ­ტექ­სტში გან­ხი­ლუ­ლი, ამი­ტომ მას ექ­ნე­ბა აქ­ტი­უ­რი სა­გა­რეო პო­ლი­ტი­კა.

რაც შე­ე­ხე­ბა "მთავ­რო­ბის ეფექ­ტი­ა­ნო­ბის დე­პარ­ტა­მენტს“, ბი­უ­როკ­რა­ტი­ის ტექ­ნი­კუ­რად შემ­ცი­რე­ბის­კე­ნაა მი­მარ­თუ­ლი, მაგ­რამ ასე­ვე, ერ­თგვა­რი სა­ფა­სუ­რის გა­დახ­დაა ილონ მას­კის­თვის, რო­მე­ლიც ცდი­ლობს, თა­ვი­სი პო­ზი­ცი­ე­ბი გა­ამ­ყა­როს. ამ დე­პარ­ტა­მენ­ტმა ტექ­ნი­კუ­რად ბი­უ­როკ­რა­ტია კი უნდა შე­ამ­ცი­როს, მაგ­რამ პრქტი­კა­ში მე­ეჭ­ვე­ბა, ამ მი­მარ­თუ­ლე­ბით რამე გა­კეთ­დეს, ეს დე­პარ­ტა­მენ­ტი ამას ვერ შეძ­ლებს, ნაკ­ლე­ბად მგო­ნია, ამან ეფექ­ტუ­რად იმუ­შა­ოს ამე­რი­კის­თვის, რო­მელ­საც დიდი გა­მოწ­ვე­ვე­ბი აქვს. უბ­რა­ლოდ, ეს კონ­ტრი­ბუ­ცი­ის გა­დახ­დაა და ვა­ლის დაბ­რუ­ნე­ბა ილონ მას­კის­თვის, რო­მელ­მაც ტრამპს ძა­ლი­ან დიდი მხარ­და­ჭე­რა და დახ­მა­რე­ბა გა­უ­წია სა­არ­ჩევ­ნო კამ­პა­ნი­ის დროს.

ფაქ­ტი ერ­თია, რუ­სე­თი ჯერ­ჯე­რო­ბით უკ­მა­ყო­ფი­ლოა ამ წარ­მოდ­გე­ნი­ლი ფი­გუ­რე­ბით, ეს არის მო­ცე­მუ­ლი რე­ა­ლო­ბა. მაგ. პეს­კოვ­მა გა­ნა­ცახ­და, - არ არის რე­ა­ლუ­რი ომი ერთ დღე­ში დას­რულ­დეს, ტრამპსა და მის ად­მი­ნის­ტრა­ცი­ას ამის მო­ლო­დი­ნი არ ჰქონ­დე­სო.

რუ­სე­თი სხვა­ნა­ირ ფი­გუ­რებს ელო­და, მაგ­რამ რო­გო­რი იქ­ნე­ბა ამ ფი­გუ­რე­ბის პო­ლი­ტი­კა, ამას ჯერ­ჯე­რო­ბით ვერ გა­ვი­გებთ, მათი პო­ლი­ტი­კა თა­ნამ­დე­ბო­ბებ­ზე და­ნიშ­ვნი­დან ერთ თვე­ში გა­მოჩ­ნდე­ბა“.

იხი­ლეთ ასე­ვე:

• და­ხუ­რულ კარს მიღ­მა: ცნო­ბი­ლი ხდე­ბა, რის შე­სა­ხებ ისა­უბ­რეს ტრამპმა და ბა­ი­დენ­მა - "ოვა­ლუ­რი კა­ბი­ნე­ტი ძა­ლი­ან ლა­მა­ზია... ძა­ლი­ან ვი­სი­ა­მოვ­ნეთ ერ­თმა­ნე­თის ნახ­ვით" (ფო­ტო­ე­ბი)
• ყვე­ლა­ზე სა­ში­ში და ნაკ­ლე­ბად ცნო­ბი­ლი პო­ლი­ტი­კურ მო­თა­მა­შე - ვინ არის სუზი უა­ილ­სი: ტრამ­პის აპა­რა­ტის ახა­ლი უფ­რო­სი და "ბე­ბია, რო­მელ­საც გზა­ზე არ უნდა გა­და­ე­ღო­ბო"