პუტინის კრიტიკოსი, ცნობილი რუსი შეფ-მზარეული ბელგრადის სასტუმროში გარდაცვლილი იპოვეს - რა დეტალებზე წერს მედია?
რუსი სატელევიზიო შეფ-მზარეული, რომელიც ლონდონის ცენტრში რესტორანს მართავდა, სერბეთში გარდაცვლილი იპოვეს. რესტორანმა Zima-მ მისი გარდაცვალება ინსტაგრამზე დაადასტურა. გარდაცვალების მიზეზი ჯერჯერობით უცნობია.
”ჩვენთვის ალექსეი არ იყო მხოლოდ კოლეგა, ის იყო ჩვენი მეგობარი, ახლო ადამიანი. მადლობას გიხდით ყველას თანაგრძნობისთვის და იმ სიტყვებისთვის რაც თქვენგან მივიღებ. ზიმას მთელი გუნდი სამძიმარს უცხადებს ალექსეის ოჯახს."
Zima ალექსეის რესტორანი იყო და ლონდონის რუს ემიგრანტებში დიდი პოპულარობით სარგებლობდა.
- 52 წლის ალექსეი ზიმინი რუსეთის პრეზიდენტის ვლადიმერ პუტინის ყირიმში შეჭრის ღია კრიტიკოსი იყო. მან თავისი ბოლო წლები დევნილობაში, ლონდონში გაატარა. 2022 წლის მაისში მან BBC-ს განუცხადა, რომ მისი რესტორანი რუსეთის შეჭრის შემდეგ შეურაცხყოფისა და ხანძრის მუქარის სამიზნე იყო.
ზიმინი, რომელსაც ჰყავდა ცოლი და 17 წლის ქალიშვილი, ასევე მუშაობდა GQ-ის რუსული გამოცემის მთავარ რედაქტორად. იგი ბელგრადში თავისი ახალი წიგნის, "ანგლომანიის" წარსადგენად ჩავიდა.