“ანჯეი დუდამ ლუკაშენკოსთან ერთად ფოტოს გადაღებაზე უარი თქვა“ - რა მოხდა ბაქოში მიმდინარე კლიმატის სამიტზე?
“ანჯეი დუდამ COP29-ზე ერთობლივ ფოტოში მონაწილეობაზე უარი თქვა - ჩვენ ვიცით მიზეზი“ - ინფორმაციას პოლონური სააგენტოები Polsat News-ზე დაყრდნობით ავრცელებენ.
ტელეარხის ცნობით, ბაქოში მიმდინარე კლიმატის სამიტზე, პოლონეთის პრეზიდენტმა, ანჯეი დუდამ უარი თქვა სამიტის მონაწილეთა ერთობლივ, სამახსოვრო ფოტოს გადაღებაზე. უარის მიზეზი ბელარუსის ლიდერის ალექსანდრ ლუკაშენკოს მონაწილეობა იყო.
-
“ეს იყო შეგნებული გადაწყვეტილება. პრეზიდენტმა გადაწყვიტა, რომ არ სურდა ალექსანდრე ლუკაშენკოსთან ერთად ფოტოს გადაღება. ეს არის სიმბოლური მომენტი ე.წ ოჯახური ფოტო, როდესაც სამიტში მონაწილე ქვეყნების ლიდერები ერთად დგანან და ჯგუფურ ფოტოს იღებენ. დუდამ უარი თქვა, რადგან იქ იმყოფებოდა ბელორუსის პრეზიდენტი ალექსანდრე ლუკაშენკო,“ - განაცხადეს ანჯეი დუდას გარემოცვის წევრებმა.
ამასთან, x-ზე გავრცელდა COP29 სამიტზე გადაღებული ერთობლივი ფოტო, რომელზეც ლუკაშენკო ჩანს. ანჯეი დუდა კი - არა.
კლიმატის სამიტი ბაქოში 11 ნოემბერს დაიწყო და 24 ნოემბერს დასრულდება. ქვეყნები განიხილავენ პროგრესს კლიმატის ცვლილებასთან ბრძოლაში.
აღსანიშნავია, რომ ფორუმში მონაწილეობისგან თავი შეიკავეს აშშ-ის პრეზიდენტმა ჯო ბაიდენმა, საფრანგეთის პრეზიდენტმა ემანუელ მაკრონმა, გერმანიის კანცლერმა ოლაფ შოლცმა, ევროკომისიის პრეზიდენტმა ურსულა ფონ დერ ლაიენმა, ჩინეთის პრეზიდენტმა სი ძინპინმა, რუსეთის პრეზიდენტმა ვლადიმირ პუტინმა და ბრაზილიის პრეზიდენტმა ლუის ინასიო ლულა და სილვამ.
ასევე, კანადის პრემიერ- მინისტრმა, ინდოეთის პრემიერ-მინისტრმა, ჩრდილოეთ აფრიკის პრემიერ-მინისტრმა და ავსტრალიის პრემიერ-მინისტრმა.
იხილეთ ასევე: