კოსმოსიდან მიღებული “უცხოპლანეტელების“ სიგნალი გაშიფრულია - რა დასკვნამდე მივიდნენ მეცნიერები?

2023 წელს, დედამიწის ასტრონომიულმა ობსერვატორიებმა, რომლებიც კოსმოსიდან სიგნალის მიღებას გაერთიანებული ძალებით ცდილობდნენ, არამიწიერი შეტყობინება მიიღეს.

მეცნიერმა მამა-შვილმა წინა წელს მიღებული კოსმოსური თავსატეხის გაშიფვრა, რომელიც შეიცავს ხუთი ამინომჟავას სურათს, ახლახან შეძლო. თუმცა მისი შინაარსი ისევ ამოუცნობია.

• სიგნალი 2023 წლის მაისში ევროპის კოსმოსური სააგენტოს კოსმოსურმა ხომალდმა - ExoMars Trace Gas Orbiter-მა დააფიქსირა, რომელიც მარსის ორბიტაზე ბრუნავს. “უცხოპლანეტელების“ მსგავსი შეტყობინება დედამიწაზე მდებარე სამმა ობსერვატორიამ აიღო და მონაცემები გაასაჯაროვა. მასზე მუშაობა ნებისმიერ მსურველს შეეძლო.

შეტყობინება, საბოლოოდ მამა-შვილმა, კენ ჩაფინმა და კელიმ ამოხსნა. აღსანიშნავია, რომ ფოტოზე გამოსახული წერტილები სინამდვილეში არ არის სტატიკური. ეს არის მოძრავი ამინომჟავების ხუთი ჯგუფი, რომლებიც ერთად ვიბრირებენ.

როგორც CNN წერს, თეთრი ამინომჟავების ხუთი კონფიგურაცია არის ვიზუალური მესიჯი. ცნობილია, რომ ამინომჟავები წარმოადგენს სიცოცხლის სამშენებლო ბლოკებს. მეცნიერებმა დაადასტურეს, რომ ეს არის მიზნობრივი გზავნილი, თუმცა, ჯერ ვერ აკონკრეტებენ, თუ რა იგულისხმება შეტყობინებაში.

• კოსმოსური თავსატეხის გაშიფვრა

როდესაც კენ ჩაფინი სურათს წააწყდა, თავიდანვე ეჭვობდა, რომ ის ფიჭური ავტომატების ალგორითმმა შექმნა. ფიჭური ავტომატები არის ერთეული ბადეები, რომლებიც მათემატიკურად არის კოდირებული იმისათვის, რომ გადაადგილდნენ ან დაიცვან წესების გარკვეული ნაკრები.

“ვიცოდი, რომ ამ მესიჯის გაშიფვრის უნარი მქონდა“, - თქვა მან ელფოსტაში.

ამინომჟავების გამოსახულების გენერირება, მათ სწორედ ფიჭური ავტომატების სიმულაციების გაშვებით შეძლეს. მანამდე სიბნელეში უფორმოდ მოძრავი წერტილები უფორმოდ ვიბრირებდნენ და გამოკვეთილი სურათის ხილვა შეუძლებელი იყო.

“ახლა, როდესაც გზავნილი განბლოკილია, შემდეგი ნაბიჯი არის იმის გარკვევა, თუ რას ნიშნავს ეს და რატომ გაგზავნის მას სხვა ცივილიზაცია“, - აცხადებს მამა-შვილი.

იხილეთ ასევე:

• დედამიწას უახლოვდება უზარმაზარი ასტეროიდი - "ერთი საათით ადრე დაიწყება მიწისძვრის მსგავსი ბიძგები... ის ჩვენს პლანეტას 2029 წელს ჩაუვლის"
• როგორ გამოიყურებოდა “ვამპირი“ ქალი, რომელიც 400 წლის წინ, კისერზე ნამგლით დაკრძალეს - მეცნიერებმა მშვენიერი სახე აღადგინეს