“ცოლის მკვლელობაში ბრალდებული ბიშიმბაევი კოლონიაში არ იმყოფება“ - რას წერს მედია ყაზახეთის ყოფილ მინისტრზე, რომელსაც 24 წლით თავისუფლების აღკვეთა მიესაჯა
რუსული მედიის ცნობით, ყაზახეთის ეკონომიკის ყოფილ მინისტრს კუანდიკ ბიშიმბაევს, რომელიც სასამართლომ ცოლის სასტიკად ცემაში და მკვლელობაში ბრალდებულად ცნო და 24 წელი მიუსაჯა, კოლონიაში ვერ პოულობენ.
ტელეარხ AIRAN-ის ინფორმაციით, ბიშიმბაევი, რომელიც ნასამართლევია მისი მეუღლის - სალტანატ ნუკენოვას მკვლელობაში, კოლონიიდან გაუჩინარდა. ყოფილ თანამდებობის პირს 24-წლიანი სასჯელი არშალში მდებარე გამოსასწორებელ დაწესებულებაში უნდა მოეხადა. თუმცა, უკვე მესამე დღეა ის იქ არ იმყოფება. აღნიშნულ ინფორმაციას მისი ადვოკატიც ადასტურებს.
მედიის ინფორმაციით, ქვეყნის სამართალდამცავი ორგანოები დამატებით დეტალებს არ ავრცელებენ.
შეგახსენებთ, რომ მიმდინარე წლის მაისში ყაზახეთის უზენაესმა სასამართლომ ბიშიმბაევს 24 წლით თავისუფლების აღკვეთა მიუსაჯა. ყოფილი თანამდებობის პირი მეუღლის მკვლელობაში დამნაშავედ ცნეს. სახელმწიფო ბრალდების მხარის ცნობით, ბრალდებულმა ნუკენოვა 2023 წლის 9 ნოემბერს ასტანაში, მისი ოჯახის კუთვნილ რესტორან “ბაუში“ ცემით მოკლა.
როგორც სასამართლოს სხდომაზე ფსიქოლოგმა ალექსანდრე ვრონსკიმ განაცხადა. მან გააანალიზა ბიშიმბაევის ქცევა და შეუძლია თქვას, რომ ის არის "მოძალადე ნარცისი". ექსპერტმა აღნიშნა, რომ ამ ტიპის მამაკაცები ხშირად ადანაშაულებენ ქალებს კონფლიქტურ სიტუაციებში, რასაც ისინი, სავარაუდოდ, არაადეკვატურ მდგომარეობამდე მიჰყავთ.
იხილეთ ასევე:
- ბიშიმბაევის აღიარება და კადრები, რომელიც ყაზახეთის ექსმინისტრის უმძიმეს დანაშაულს ასახავს - სკანდალური დეტალები "საუკუნის სასამართლო პროცესიდან"
- 24-წლიანი პატიმრობა ცოლის მკვლელობისთვის - ყაზახეთის ეკონომიკის ყოფილ მინისტრს განაჩენი გამოუტანეს