ელიზაბეტ II-ისა და პრინც ფილიპის ქორწილის, 77 წლის წინანდელი “უიშვიათესი“ ტორტის ნაჭერი 2 800 დოლარად გაიყიდა

აუქციონის სახლის Reeman Dansie-ს ცნობით, 77 წლის წინანდელი, "ძალიან იშვიათი" ტორტის ნაჭერი, რომელიც დედოფალ ელიზაბედ II-ისა და პრინც ფილიპის ქორწილისთვის დაამზადეს, 2 800 აშშ დოლარად გაიყიდა.

• დესერტი, 1947 წლის 20 ნოემბერს დამზადდა და მას შემდეგ ინახებოდა.

ლამაზად შეფუთულ ტორტის ნაჭერს მოჰყვება პრინცესა ელისაბედის ხელწერილი. როგორც ცნობილია, თავის დროზე ნამცხვარი ბუკინგემის სასახლიდან საჩუქრად მარიონ პოლსონს გაუგზავნეს.

წერილში დედოფალი ელიზაბედი პოლსონს “სასიამოვნო საჩუქრისთვის“ მადლობას უხდის.

აღსანიშნავია, რომ სამეფო წყვილს - ელიზაბეთია და ფილიპს ქორწილში გრანდიოზული ტორტი ჰქონდათ. მისი სიმაღლე 2,7 მეტრი იყო.

მაშინ, რამდენიმე ნაჭერი საქველმოქმედო და სხვა ორგანიზაციებს გადაეგზავნა. ერთ-ერთი ასეთი შემონახული ტორტის ნაჭერი, 2013 წელს Christie's-ის აუქციონზე 2 300 დოლარად გაიყიდა.

წყარო

იხილეთ ასევე:

• "მითოლოგიური პერსონაჟის მსგავსი ფილიპი პრინცესა ელისაბედს ერთი ნახვით შეუყვარდა" - მსოფლიოში ყველაზე პოპულარული წყვილის სიყვარულის ამბავი: ბრიტანეთი დედოფალს ემშვიდობება