როგორ გამოიყურებოდა “ვამპირი“ ქალი, რომელიც 400 წლის წინ, კისერზე ნამგლით დაკრძალეს - მეცნიერებმა მშვენიერი სახე აღადგინეს

მკვლევრებმა ქალის თავისგან აღებული დნმ-ის ინფორმაციის საფუძველზე, აღადგინეს პოლონეთში დაკრძალული ქალის სახე, რომელიც 1600-იან წლებში გარდაიცვალა.

• მე-17 საუკუნის ადგილობრივი ფოლკლორის მიხედვით, პოლონეთში, პიენში დაკრძალული ახალგაზრდა ქალი "ვამპირი" იყო. იმის შიშით, რომ არ გაცოცხლებულიყო, ცხედარს კისერზე ნამგალი დაამაგრეს, ხოლო ხელზე ბოქლომი.

საშინელი აღმოჩენა არქეოლოგებმა პირველად 2022 წელს გააკეთეს. მინდორში, გათხრებისას, მათ იპოვეს ჩონჩხი, რომელიც დაახლოებით 400 წლის წინ იყო დამარხული.

კისერზე ნამგალი და ბოქლომი იმაზე მიანიშნებს, რომ შესაძლოა ის “ვამპირად“ მიაჩნდათ. პოლონეთში მაშინ ასეთი “ქმნილებების“ დაკრძალვის საგანგებო წესები არსებობდა.

• ვინ იყო “ვამპირი“ ქალი?

მეცნიერებმა გადაწყვიტეს გამოეკვლიათ, თუ ვინ იყო გარდაცვლილი და რატომ ეშინოდათ მისი. თავის ქალის კონტურებისა და ჩონჩხიდან ამოღებული დნმ-ის ნიმუშის გამოყენებით, მკვლევრებმა სახის 3D რეკონსტრუქცია განახორციელეს.

ქალს - ზოსია შეარქვეს.

• მკვლევრების გამოცდილება ნაჩვენებია ახალ დოკუმენტურ ფილმში "ვამპირების ველი", რომელიც დამზადებულია Caravan Media-ის მიერ. თიხისგან შექმნილი მოდელის შემდეგ, გამოიკვეთა, რომ გარდაცვლილი 18- დან 20 წლამდე ახალგაზრდა ქალია, რომელსაც სავარაუდოდ ჯანმრთელობის პრობლემა აწუხებდა. შესაძლოა მას მძიმე ქრონიკული თავის ტკივილი და გონებრივი სისუსტეები აწუხებდა.

“გარდა ამისა, შესაძლოა მკერდი დეფორმირებული იყოს, რაც სავარაუდოდ გულმკერდის ხილული სიმსივნის ზრდაზე მიგვანიშნებს. თუმცა, აშლილობა არ ყოფილა მისი გარდაცვალების მიზეზი. მიზეზი ჯერჯერობით უცნობია და მიმდინარეობს დეტალური სამედიცინო ანალიზები,“ - განაცხადა მკვლევარმა.

აბრეშუმის ქსოვილი, ვერცხლისა და ოქროსგან დამზადებული მეტალის ძაფები, რომლებიც მის საფლავშია აღმოჩენილი, მიანიშნებს, რომ ქალი მაღალი სტატუსის მქონე იყო. ჯგუფის წევრის, პოლინსკის თქმით, ბოქლომი და ნამგალი, რომელიც ცხედარს “აკავებდა“, დამზადებულია რკინისგან. სავარაუდოდ, ნივთები მის “გაცოცხლებას“ უშლიდა ხელს.

ამასთან, მათი თქმით, ქალს ხერხემალი დამტვრეული ჰქონდა.

წყარო

იხილეთ ასევე:

• კვლევით დადგინდა ქრისტეფორე კოლუმბის რეალური წარმომავლობა - მის შესახებ აქამდე არსებული წარმოდგენა სრულად შეიცვალა
• დედამიწა არნახული პლასტიკური კატასტროფის წინაშე დგას - მხოლოდ წელს, 220 მილიონი ტონა ნარჩენი იქნება წარმოქმნილი: რა დასკვნამდე მივიდნენ მეცნიერები