აშშ-ის კვლევითი ლაბორატორიიდან 43 მაიმუნი გაიქცა - “ლიდერმა“ გააღო კარები, დანარჩენები მას გაჰყვნენ...“

აშშ - ში, სამხრეთ კაროლინაში მდებარე კვლევითი ცენტრიდან 43 მაიმუნი გაიქცა მას შემდეგ, რაც უსაფრთხოების სამსახურს კარი ღია დარჩა. ადგილობრივი მედიის ინფორმაციით, გაქცეულ ცხოველებს პოლიცია ეძებს.

• კომპანია Alpha Genesis, საიდანაც მაიმუნები გაიქცნენ, პრიმატებს სამედიცინო ტესტირებისა და კვლევისთვის ამრავლებს. გაქცეული მაიმუნები ახალგაზრდა მდედრობითი სქესის წარმომადგენლები არიან, თითოეული მათგანი იწონის დაახლოებით 3.2 კგ-ს.

ხელისუფლებამ მოსახლეობას მოუწოდა დაიცვან სიფრთხილე. დახურონ კარები, ფანჯრები და ნებისმიერი სიახლის შემჩნევისას, პოლიციას დაუკავშირდნენ. მათი თქმით, ცხოველებთან მიახლოება საშიშია, რადგან შესაძლოა გარკვეული დაავადებების გადამტანები იყვნენ.

Alpha Genesis-ის აღმასრულებელი დირექტორის, გრეგ ვესტერგარდის განცხადებით, ისინი ველურ გარემოსთან მიახლოებულ პირობებში ცხოვრობდნენ. სავარაუდოა, რომ ერთმა “ლიდერმა“ გააღო კარები, გაიქცა და დანარჩენები მას მიჰყვნენ.

აღსანიშნავია, რომ ეს არ არის პირველი შემთხვევა, როდესაც მაიმუნები დაწესებულებიდან გაიქცნენ. 2016 წელს ჩარლსტონიდან აღმოსავლეთით მდებარე დაწესებულებიდან 19 მაიმუნი გაიქცა. ისინი 6 საათის შემდეგ დააბრუნეს.

წყარო

იხილეთ ასევე:

• გაერთიანებულ სამეფოში მაიმუნის ყვავილის ორი ახალი შემთხვევა გამოვლინდა - რა ხდება ცნობილი?
• "ეს იმის წინაპირობაა, რომ ოდესმე ადამიანის კლონსაც შექმნიან" - კლონირებული მაიმუნი 2 წლის შემდეგ ისევ ცოცხალია: მეცნიერების თქმით, ეს იშვიათი მოვლენაა