"ქართველი კაცის მთავარი შიშია, რომ არ გაათხოვო... დამტირებელი და ბავშვის გამჩენი ქალი აღარ დარჩა" - გუბაზ სანიკიძე

პოლიტიკოსი გუბაზ სანიკიძე საქართველოში არსებულ პოსტსაარჩევნო ვითარებას მიმოიხილავს და “ფორმულასთან“ საუბარში აცხადებს, რომ "ვინც ხმა “ქართულ ოცნებას“ მისცა, სინამდვილეში საკუთარი ქვეყნის დასამარებას მისცა ხმა".

"რომელ ღირსებაზე ლაპარაკი? მარტო პოლიტიკურ ორგანიზაციებს კი არა, ვინც ხმა მიეცით “ქართულ ოცნებას“, არავითარი ღირსება თქვენ არ გაგაჩნიათ. თქვენ ხმა მიეცით საკუთარი ქვეყნის დასამარებას,“ - განაცხადა სანიკიძემ და აღნიშნა, რომ დღეს ქვეყანაში ოჯახის ინსტიტუტი საფრთხის ქვეშ არის.

"ოჯახი - რომელ ოჯახზე არის ლაპარაკი, რომ დაშალეთ? ქალები რომ გააქციეთ ქვეყნიდან, ქალი რომ აღარ დატოვეთ ქვეყანაში? სოფელში მიცვალებულის დამტირებელი და ბავშვის გამჩენი ქალი რომ აღარ დარჩა. ეს არის ერთიანი ოჯახი?

პირველი არის ღირსება, მეორე ოჯახი - ამისთვის სწირავს კაცი თავს. რომელი ოჯახი, ქალები რომ გააქციეთ და კაცის ფუნქცია რომ დაკარგეთ?

• მთავარი შიში ქართველ მამაკაცს აქვს რომ არ გაათხოვო. აღარც სამშობლოს სამსახური, აღარც ბრძოლა, აღარც უფლისთვის თავგანწირვა, აღარც სამშობლოსთვის, სახლ-კარის დაცვა - აღარაფერი!

მთავარი შიში, რაც “ქართულმა ოცნებამ“ ჩაუნერგა ქართველ მამაკაცს არის ის, რომ თუ ევროპაში შევალთ ძალით გამათხოვებენ... არ არის ასე?“ - განაცხადა გუბაზ სანიკიძემ.