მნიშვნელოვანი ინფორმაცია
14
ივლისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 23:39-ზე, მთვარე თევზებში იქნება 03-44-დან –რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. მოერიდეთ ეგოიზმს და საკუთარი შესაძლებლობების გადაჭარბებულ შეფასებას. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. აქტიურია ზურგის ზედა ნაწილი. გაუფრთხილდით ხერხემალს. მთვარის ამ დღეს შექმნილი ოჯახები იშვიათად იშლება ეჭვიანობის, ღალატის ან ფინანსური პრობლემების გამო.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"შეამჩნიეს, რომ წონაში მოვიმატე, გადამაყოლეს, რამ გაასუქა ასეო... უტაქტობაა, რომ წერ: "შვილო, ავად ხარ?“, თმის გადაპარსვის გადაწყვეტილებაც მოულოდნელად მივიღე" - თაკო კორინთელი
20:11 / 06-11-2024
ტელეწამყვანმა და მსახიობმა, თაკო კორინთელმა, რამდენიმე დღის წინ სოციალურ ქსელში გამომწერები გააოცა, როდესაც გადაპარსული თმით ფოტო გამოაქვეყნა. ჟურნალ "თბილისელებთან" თაკო ამბობს, რომ ამით დიდი ხნის ოცნება აიხდინა
- ეს გადაწყვეტილება ძალიან მარტივად მივიღე. 32 წელია რაც უშველებელი ხუჭუჭა თმით დავდივარ, ამიტომ ყველასთვის მოულოდნელი იყო ჩემი გადაწყვეტილება. ყოველთვის ძალიან მინდოდა თავის გადაპარსვა, მაგრამ ვერ ვბედავდი. გარშემომყოფებიც მეუბნებოდნენ, არ გაბედო, ერთი ქალის ფასი თმა გაქვსო.
ბოლო პერიოდში ყველამ შეამჩნია რომ წონაში მოვიმატე. გადამაყოლეს, რამ გაასუქა ასეო. ჰორმონული წამლების მიღება დამჭირდა, ყველამ იცის, რომ ჰორმონები ასუქებს. სანამ ამ წამალს ვიღებდი, დიდი წონის ვიყავი, ახლა ნელ-ნელა კლებისკენ მივდივარ. ჩემი აზრით, პუტკუნა უფრო საყვარელი ვიყავი, ვიდრე გამხდარი. ახლა ჰორმონებს აღარ ვსვამ.
ზოგადად ამ დროს თმის ხარისხიც ფუჭდება. შეიძლება სხვისთვის შეუმჩნეველი იყო, მაგრამ მე ხომ ვამჩნევდი. ორი კვირის წინ მეუღლესთან ერთად თურქეთში ვიყავი, მის დაბადების დღეს დავამთხვიეთ. ქუჩაში სეირნობისას სალონი დავინახეთ, მეუღლემ მითხრა, შევიდეთ და ახლავე გადაიპარსეო.
რა თქმა უნდა, დავთანხმდი. თურქ სტილისტს ეგონა, რომ ჩემი ქმარი იპარსავდა თმას, გაგიჟდა, რომ გაიგო ჩემზე. გადაპარსვის შემდეგ მეუბნებოდა, რომ თმა დაგვეტოვებინა, ჩვენ გადავყრითო. ვუთხარი, უკაცრავად თმას შინიონებისთვის ვერ დაგიტოვებთ-მეთქი და წამოვიღე.
ეთერში პარიკით ვარ, მეუბნებიან, რომ პარიკის გარეშე დავჯდე, მაგრამ ჩემი ასეთი სტილით ეთერისთვის არაესთეტიკურად მიმაჩნია. მხოლოდ ორი საათი მახურავს. სოციალურ ქსელში პირველად ორი კვირის წინ ავტვირთე ფოტო. საოცრება მოხდა, ორ საათში სამჯერ დავტენე ტელეფონი. ბევრი უაზრო კომენტარიც იყო: „ვაიმე, ავად ხარ? შვილო, რა გჭირს?“ძალიან კარგად ვარ. პრობლემები ვის არ ჰქონია, მეც მქონდა მინიმალური, რის გამოც, წონაში მოვიმატე, მაგრამ უტაქტობაა, რომ წერ: „შვილო, ავად ხარ?“ ძალიან ბედნიერი ვარ და ძალიან კარგად ვგრძნობ თავს.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მგონი, საქართველოში მახათების ბიზნესი წარმატებული იქნება